Vígsla stikaðra gönguleiða

11/05/2010
HafravatnsréttFimmtudaginn 13. maí n.k. (Uppstigningardag) kl. 11-14 fer fram vígsla stikaðra gönguleiða um útivistarsvæði í Mosfellsbæ sem er verkefni sem Mosverjar hafa unnið í samstarfi við Mosfellsbæ. Fyrsta áfanga verksins er lokið en ætlunin er að stika alls um 65 km en auk þess að setja upp vegpresta við vegamót og upplýsingaskilti við gönguleiðirnar.

Göngukort sem hefur verið prentað verður fyrirliggjandi ókeypis á íþróttamiðstöðvunum að Varmá og Lágafelli og einnig í bókasafni Mosfellsbæjar. Þá er göngukortið ennfremur aðgengilegt á vef Mosverja, mosverjar.is, og á vef Mosfellsbæjar, mos.is (vinstra megin á forsíðu er flýtihnappurinn Kortasjá þar sem finna má ýmis kort af Mosfellsbæ. Bein slóð á kortið er: http://mos.is/media/PDF/Gongukort_lokautgafa_final.pdf).
 
Markmiðið með lagningu stikaðra gönguleiða er að auðvelda almenningi aðgang að ósnortinni náttúru útivistarsvæðis Mosfellsbæjar. Þar eru margar náttúruperlur og sögulegar minjar sem sagt verður frá á sérstökum fræðsluskiltum sem verða sett upp í tengslum við verkefnið.
 
Göngufólk er hvatt til að nýta sér stikuðu gönguleiðirnar og göngukortið jafnt sumar sem vetur, ganga vel um og njóta útivistarsvæðisins.
 
Skátafélagið Mosverjar og Mosfellsbær.

Dagskrá:
kl: 11.00    Mæting á bílastæði við Suður Reyki (rútuferð að Hafravatnsrétt)
kl: 11.15    Gönguleiðirnar opnaðar með stuttri athöfn
kl: 11.30    Gengið frá Hafravatnsrétt að Borgarvatni og áfram niður með Varmá að Suður Reykjum (5 km)
kl: 14.00    Kakó og kaffi í Mosverjatjaldi við bílastæðið

Til baka