Styttist í 7 tinda hlaupið

20/05/2010

7 tinda hlaupið7 tinda hlaupið, utanvegahlaup í Mosfellsbæ, verður haldið í annað sinn laugardaginn  5. júní næstkomandi. Hlaupið hefst kl 10:00 við Lágafellslaug í Mosfellsbæ. Hlaupið eru utanvega um fjöll, heiðar og dali í bæjarlandi Mosfellsbæjar og komið aftur í mark við Lágafellslaug. Forskráning fer fram á www.hlaup.is.

Nánari upplýsingar um hlaupið má nálgast hér á vef Mosfellsbæjar og einnig á www.hlaup.is

Hlaupið var haldið í fyrsta sinn í fyrra og fer fram fyrir tilstuðlan Skátafélagsins Mosverja með stuðningi Mosfellsbæjar og Björgunarsveitarinnar Kyndils. Vel tókst til með hlaupið í fyrra, þegar það var haldið í fyrsta sinn, og voru þátttakendur ánægðir með þetta nýja, krefjandi utanvegahlaup og er búist við að þátttakendur í ár verði enn fleiri en í fyrra.

Leiðin verður merkt með skærlitum flöggum og spreyi á göngustígum. Boðið verður upp á þrjár mismunandi vegalengdir.

7 Tindar — 37 km    5000 kr
5 Tindar — 34 km    4000 kr
3 Tindar — 19 km    3000 kr

Skráning og frekari upplýsingar eru á www.hlaup.is

Þátttakendur séu komnir að Lágafellslaug minnst 30 mín fyrir hlaup

Skráning á staðnum frá kl: 8.00

Frítt er í Lágafellslaug að hlaupi loknu

Drykkjarstöðvar með orkudrykkjum og næringu verða á leiðinni

Markið lokar kl: 16:00

Verðlaun fyrir 3 fyrstu sæti karla og kvenna í öllum vegalengdum
Þátttakendur eru að öllu leyti á eigin ábyrgð í hlaupinu

Þátttakendur fá 15% afslátt í Fjallakofanum, Reykjavíkurvegi 64. Gildir 29. mai - 5. júní gegn þátttökustaðfestingu


Hlaupaleiðin á korti  (.pdf 525 kb)
Til baka