Matjurtagarðar í Mosfellsbæ

15/05/2012

Matjurtagarðar 004lBúið er að opna fyrir almennar umsóknir um matjurtagarða í Mosfellsbæ.
Matjurtagarðar bæjarins verða sem fyrr staðsettir í Skarhólamýri, á sama stað og garðar hafa verið til útleigu undanfarin ár.  Aðgengi að vatni verður við garðana.

Staðsetningu garða og fyrirkomulag má sjá á meðfylgjandi korti.
Leiguverð fyrir matjurtagarða er 5.000 kr. fyrir 100 fm garð og 2.500 kr. fyrir 50 fm garð.

Staðsetningu garða og fyrirkomulag má sjá á meðfylgjandi korti af Skarhólamýri  og kort af Varmá

Þeir sem óska eftir því að leigja áfram sama garð og í fyrra eru beðnir um að staðfesta leiguna með greiðslu fyrir 8. maí n.k.  Eftir þann tíma verða allir garðar leigðir út til Mosfellinga skv. biðlista. 

Þjónustuver Mosfellsbæjar, 2. hæð, Þverholti 2, annast eins og áður móttöku umsókna og tekur við greiðslum.  Hægt er að hafa samband við þjónustuver Mosfellsbæjar í síma 525 6700 eða í gegnum netfangið mos[hjá]mos.is með ósk um að komast á biðlista um matjurtagarð.

Garðar verða tilbúnir til notkunar föstudaginn 18. maí n.k. en það er viku fyrr en áætlað var.

Ef þörf er á verður mögulegt að úthluta matjurtagörðum austan Varmárskóla eins og áður.

Einnig  hefur náðst samkomulag við Reykjavíkurborg um að íbúar í Mosfellsbæ geti fengið leigða matjurtagarða í Skammadal og sér Umhverfis- og samgöngusvið Reykjavíkurborgar um útleiguna.  Áhugasamir geta sett sig í samband við Karen Pálsdóttur í síma 411 1111, eða í netfangið matjurtagardar[hjá]reykjavik.is, og látið skrá sig á lista með ósk um garð.

Taka þarf fram að viðkomandi sé íbúi í Mosfellsbæ. 

Umhverfissvið Mosfellsbæjar

Til baka