Óskað eftir tilnefningu um jafnréttisviðurkenning Mosfellsbæjar 2012

03/09/2012

Jafnrétti (2)Jafnréttisdagur Mosfellsbæjar er haldinn í tengslum við 18. september ár hvert.  Fjölskyldunefnd veitir viðurkenningu þeim einstaklingi, stofnun, fyrirtæki eða félagasamtökum sem hafa lagt sig fram við að framfylgja jafnréttislögum og Evrópusáttmálanum um jafna stöðu kvenna og karla.

Viðurkenninguna geta hlotið einstaklingar, fyrirtæki, stofnanir, hópar eða félagasamtök, sem á einn eða annan hátt hafa skarað fram úr eða markað spor á sviði jafnréttismála.

Fjölskyldunefnd vonast eftir tilnefningum sem víðast að og minnir á nauðsyn þess að vekja athygli á verkum eða aðgerðum í þágu jafnréttis  og hvetja þannig aðra  til frekari dáða.

Í tilnefningunni skal koma fram lýsing á því jafnréttisstarfi eða verkefni sem  hefur verið innt af hendi í bæjarfélaginu ásamt rökstuðningi.

Jafnréttisdagurinn verður að þessu sinni  haldinn hátíðlegur í samvinnu við  Félag aldraðra í Mosfellsbæ þann 1. október næstkomandi.

Hægt er að senda inn rafrænt tilnefningu til jafnréttisviðurkenningar hér

Einnig má skila tilnefningu til Þjónustuvers Mosfellsbæjar, Þverholti 2, 2 hæð.

Tilnefningarnar berist í síðasta lagi mánudaginn 10. september nk.

Fjölskyldunefnd Mosfellsbæjar

Til baka