Hjólasveinar og meyjar gleðjast

13/12/2012

Formleg opnun stígs milli Mosfellsbæjar og Reykjavíkur

Nýr hjóla- og göngustígur milli Mosfellsbæjar og Reykjavíkur hefur verið lagður og af því tilefni munu borgarstjóri, bæjarstjóri Mosfellsbæjar og vegamálastjóri opna stíginn formlega föstudaginn 14.12.2012 klukkan 12:14

Boðið er upp á heitt kakó og samlokur í Hamrahlíð við Vesturlandsveg á svæði Skógræktarfélags Mosfellsbæjar frá kl. 12:00.

Fríður flokkur Hjólasveina og meyja mun fagna þessum áfanga með okkur og hjóla með klingjandi bjölluhljómi eftir stígnum. Í þeim hópi er hjólreiðafólk sem stundar hjólreiðar allt árið og stígurinn því hin besta jólagjöf. Stígurinn er mikil samgöngubót fyrir gangandi og hjólandi vegfarendur og mun án efa styðja við heilsueflandi samfélag í Mosfellsbæ.

Við bjóðum þér að fagna þessum tímamótum með okkur.
Allir velkomnir

Fjölmiðlar eru einnig velkomnir til þessarar stuttu athafnar á nýjum stíg.

opnun stígs

afmælislogo          Vegagerð  Reykjavíkurborg 

Til baka