Breytingar í bæjarstjórn á nýju ári

20/12/2012

herdisBæjarstjórn hélt sinn síðasta fund á árinu í gær miðvikudaginn 19.desember. Fundurinn var jafnframt síðasti fundur Herdísar Sigurjónsdóttur. Herdís hefur óskað eftir lausn frá störfum sínum fyrir Mosfellsbæ og mun hverfa til annarra starfa fyrir VSÓ ráðgjöf þar sem hún hefur unnið síðustu misseri. Herdís var fyrst kjörin í bæjarstjórn árið 1998 og hefur því setið í bæjarstjórn í rúm 14 ár. Hún hefur setið í mörgum nefndum, stjórnum og ráðum fyrir Mosfellsbæ á þessum tíma. Starfsfólk Mosfellsbæjar þakkar Herdísi fyrir samstarfið og óskar henni velfarnaðar á nýjum vettvangi. Um áramót mun Kolbrún G. Þorsteinsdóttir taka sæti Herdísar í bæjarstjórn .

Til baka