Hljómsveitin Kaleo valin Mosfellingur ársins

09/01/2013
Hljómsveitin Kaleo hefur verið valin Mosfellingur árins 2013 af bæjarblaðinu Mosfellingi í Mosfellsbæ. Hljómsveitina skipa þeir Jökull Júlíusson, Davíð Antonsson, Daníel Ægir Kristjánsson og Rubin Pollock.

Kaleo sló rækilega í gegn á árinu 2013. Síðasta vor gaf hljómsveitin út endurgerða útgáfu af gamla laginu Vor í Vaglaskógi. Lagið kom þeim á kortið og hafa þeir verið óstöðvandi síðan.

„Við erum gríðarlega stoltir að hljóta þessa nafnbót og má segja að þetta setji punktinn yfir i-ið á árinu 2013 sem hefur verið ævintýri líkast," segja strákarnir í samtali við Mosfelling.

Þeir gáfu út sína fyrstu plötu á árinu sem varð sú næst mest selda á Íslandi fyrir jólin. Þá er Jökull söngvari tilnefndur til íslensku tónlistarverðlaunanna sem söngvari ársins. (Kaleo á samskiptasíðu Facebook og heimasíðu )

Þetta er í níunda sinn sem Mosfellingur ársins er valinn og áður hafa hlotið nafnbótina:

2012 Greta Salóme
2011 Hanna Símonardóttir
2010 Steinþór Hróar Steinþórsson
2009 Embla Ágústsdóttir
2008 Albert Rútsson
2007 Jóhann Ingi Guðbergsson
2006 Hjalti Úrsus Árnason
2005 Sigursteinn Pálsson

sjá meira um Mosfellinga fyrri ára hér.

Til baka