Varmárskólasvæði, verkefnislýsing deiliskipulags

21/06/2013

Mosfellsbær auglýsir hérmeð til kynningar verkefnislýsingu skv. 40. gr. skipulagslaga fyrir gerð deiliskipulags fyrir lóð Varmárskóla og næsta nágrenni. Markmið með deiliskipulaginu er að leggja línur fyrir úrbætur í umferðarmálum við skólann með það að meginmarkmiði að auka umferðaröryggi, að marka stefnu um hugsanlegar frekari byggingar fyrir skólann, og kveða á um nýtingu skólalóðarinnar, nánar tiltekið um útfærslu leiksvæða, landslagsmótun og gróðursetningu.

Í verkefnislýsingunni kemur lögum samkvæmt fram "hvaða áherslur sveitarstjórn (hefur) við deiliskipulagsgerðina og upplýsingar um forsendur og fyrirliggjandi stefnu og fyrirhugað skipulagsferli, s.s. um kynningu og samráð við skipulagsgerðina gagnvart íbúum og öðrum hagsmunaaðilum."

Verkefnislýsingin liggur frammi í Þjónustuveri Mosfellsbæjar, Þverholti 2, 270 Mosfellsbæ og hér á heimasíðunnii:

Verkefnislýsing samþykkt 12. júní 2013, pdf-skjal, 1,2 MB

Athugasemdum og ábendingum varðandi skipulagslýsinguna má skila til þjónustuversins eða undirritaðs og er æskilegt að þær berist fyrir 1. júlí n.k.

21. júní 2013,

Skipulagsfulltrúi Mosfellsbæjar
finnur@mos.is

Til baka