Kiwanisklúbburinn Mosfell styrkir Reykjadal

16/12/2013
Nú á aðventunni selja félagar í Kiwanisklúbbnum Mosfelli sælgæti hér í Mosfellsbæ til styrktar sumarstarfs Styrktarfélags lamaðra og fatlaðra í Reykjadal.
Kjörorð Kiwanis er „hjálpum börnum heimsins“. Með það að leiðarljósi hefur sumar- og vetrarstarf fyrir fötluð börn í Reykjadal verið frá upphafi aðalstyrkþegi Kiwanisklúbbsins Mosfells, ýmist með beinum fjárstyrkjum eða gjöfum á tækjum og smáhýsum. Fyrir tveimur árum máluðu félagarnir í Mosfelli elstu húsin í Reykjadal að utan.
Eins og undanfarin ár nýtur klúbburinn aðstoðar Skólahljómsveitar Mosfellsbæjar við söluna sem fær í staðinn hlutdeild af sölunni sem styrk frá klúbbnum .
Mosfellsfélagar vænta þess að fá góðar móttökur hjá bæjarbúum nú á aðventunni sem hingað til.
Til baka

Myndir með frétt