Auglýst er eftir tónlistarfólki sem vill taka þátt í stofutónleikum í sumar

04/03/2014

Stofutónleikar á Gljúfrasteini 2014

Halldór Laxness var fagurkeri og áhugasamur um tónlist og tónlistarflutning. Hann lék sjálfur prýðilega vel á píanó og t.d. var J. S. Bach í miklu uppáhaldi hjá skáldinu. Þau hjónin Halldór og Auður efndu oft til tónleika heima í stofunni á Gljúfrasteini á meðan þau bjuggu þar. Fjölmargir þekktir listamenn komu fram á þeim tónleikum.

Eftir að Gljúfrasteinn varð safn hefur þess verið minnst frá 2006 með því að halda stofutónleika í húsi skáldsins á sunnudögum á sumrin.

Hér með er auglýst eftir tónlistarfólki sem vill halda tónleika á Gljúfrasteini sumarið 2014. Tónleikarnir fara fram alla sunnudaga kl. 16, frá 1. júní - 31. ágúst og er miðað við að þeir séu að jafnaði hálftíma langir.

Á vef Gljúfrasteins má finna upplýsingar um þá stofutónleika sem haldnir hafa verið til þessa.

Vinsamlega sendið upplýsingar um dagskrá og ferilskrá á netfangið gljufrasteinn[hja]gljufrasteinn.is fyrir 22. mars 2014. Staðfesting móttöku umsóknar verður send í tölvupósti.




Gljúfrasteinn - hús skáldsins
Laxness Museum

Pósthólf 250, 270 Mosfellsbær, +354 586 8066

gljufrasteinn[hja]gljufrasteinn.is / www.gljufrasteinn.is

Gljúfrasteinn - hús skáldsins á facebook

Gljúfrasteinn - Laxness museum on facebook

 

Til baka