Úrslit í Stóru upplestrarkeppninni

28/03/2014
Stóra upplestrarkeppnin í 7. bekk fór fram í hátíðarsal Varmárskóla fimmtudagskvöldið 27. mars. Tíu nemendur úr grunnskólum Mosfellsbæjar, Lágafellsskóla og Varmárskóla kepptu til úrslita.
Úrslitin urðu þannig að Ástríður Magnúsdóttir úr Lágafellsskóla varð í fyrsta sæti, Andri Már Guðmundsson úr Lágafellsskóla varð í öðru sæti og Arndís Hjörleifsdóttir úr Varmárskóla varð í þriðja sæti.

Margt var um manninn á þessu hátíðlega kvöldi og fengu gestir að heyra keppendur lesa brot úr sögunni Ertu guð, afi eftir Þorgrím Þráinsson og ljóð eftir Erlu (Guðfinnu Þorsteinsdóttur). Auk þess lásu keppendur ljóð sem þeir völdu sjálfir. Skólakór Varmárskóla söng þrjú lög auk þess sem nemendur úr Listaskóla Mosfellsbæjar fluttu lifandi tónlist.

Á myndinni eru sigurvegarnir ásamt bæjarstjóra, formanni fræðslunefndar og skólastjórum Varmárskóla og Lágafellsskóla.

Á heimasíðu Varmárskóla má sjá fleiri myndir frá keppninni með því að smella á þennan link og velja myndaalbúm sem heitir Stóra upplestrarkeppnin http://varmarskoli.is/myndasida?
Til baka