Laugabakki Mosfellsdal, tillaga að breytingu á deiliskipulagi

22/12/2014

Mosfellsbær auglýsir hér með samkvæmt 1. mgr. 43.gr. skipulagslaga nr. 123/2010 tillögu að breytingum á deiliskipulagi Laugabólslands, upphaflega samþykktu 18.8.1999 og síðast breyttu 23.10.2013. Breytingarnar felast í því að landi Laugabakka, sem nú er óskipt, er skipt upp í þrjá hluta með nokkuð öðrum hætti en gildandi skipulag gerir ráð fyrir, þannig að lóðin Laugabakki 2 minnkar en Laugabakki 3 stækkar að sama skapi.

Tillagan verður til sýnis í þjónustuveri Mosfellsbæjar Þverholti 2, frá 23. desember 2014 til og með 3. febrúar 2015, svo að þeir sem þess óska geti kynnt sér hana og gert við hana athugasemdir. Tillagan er einnig birt hér á heimasíðunni:

Laugabakki, tillöguuppdráttur (pdf, 1 MB)

Athugasemdir skulu vera skriflegar og skal senda þær til skipulagsnefndar Mosfellsbæjar, Þverholti 2, 270 Mosfellsbæ, eigi síðar en 3. febrúar 2015.

19. desember 2014,

Skipulagsfulltrúi Mosfellsbæjar

Til baka