OPIÐ HÚS HJÁ SKÓLASKRIFSTOFU MOSFELLSBÆJAR - Má börnum leiðast?

28/11/2016

Miðvikudaginn 30. nóvember klukkan 20:00 er komið að næsta opna húsi vetrarins hjá Skólaskrifstofu Mosfellsbæjar haldið að venju í Listasal Mosfellsbæjar.

Á opnum húsum er lögð áhersla á hagnýt ráð varðandi uppeldi og samskipti við börn og unglinga. Ráð sem foreldrar, systkin, amma og afi, þjálfarar, kennarar og allir þeir sem koma að uppvexti barna og unglinga geta nýtt sér.

Að þessu sinni mun Margrét Pála Ólafsdóttir fjalla um hvað gerist þegar börnum leiðist. Rætt verður um hver algeng viðbrögð bæði barna og foreldra eru í slíkum aðstæðum og gefin hagnýt ráð um hvernig má nýta þessar stundir til örvunar og jákvæðs þroska. 

Margrét Pála hefur áratugareynslu af leik- og grunnskólastjórnun, námskeiðshaldi og kennslu og er höfundur Hjallastefnunnar.Láttu þetta áhugaverða innlegg ekki framhjá þér fara, sjáumst!

Opnu húsin hjá Skólaskrifstofu eru alltaf haldin síðasta miðvikudag í mánuði yfir veturinn, í Listasal Mosfellsbæjar frá klukkan 20 - 21. Athugið að gengið er inn austan megin (Háholtsmegin).

Aðgangur er ókeypis og öllum opinn. Skólaskrifstofa Mosfellsbæjar.

Sjá auglýsingu

Til baka