Leikfiminámskeið fyrir 67 ára og eldri í World Class í Lágafellslaug

22/01/2019

Mosfellsbær er heilsueflandi samfélag og lögð hefur verið áhersla á að auðvelda eldri borgurum að stunda hreyfingu.

Hleypt hefur verið af stokkunum þriggja mánaða tilraunaverkefni sem byggir á samstarfi FaMos, Mosfellsbæjar og World Class í Mosfellsbæ.

Fyrirkomulag verkefnisins er með þeim hætti að World Class veitir helmings afslátt á þriggja mánaða korti fyrir eldri borgara og ráðnir hafa verið íþróttakennarar sem halda utan um hópinn, stýra leikfimitímum og veita leiðbeiningar í tækjasal. Kostnaður vegna kennara er greiddur af Mosfellsbæ.

Námskeiðið er fyrir fólk 67 ára og eldra sem er með lögheimili í Mosfellsbæ. Kennslan fer fram í formi alhliða leikfimi og styrktaræfinga í leikfimisal auk æfinga í tækjasal. Kennarar verða þær Halla Karen Kristjánsdóttir og Sigrún Ingvadóttir.

Nýliðanámskeið fyrir byrjendur hefst 14. janúar og er kennt á mánudögum og miðvikudögum frá kl. 10:30.

Framhaldsnámskeið hefst þriðjudaginn 8. janúar og er kennt tvisvar sinnum í viku þ.e. á þriðjudögum og fimmtudögum kl. 10-11 eða kl. 11-12.

Námskeiðið kostar 15.595 kr. eða 5.198. kr. á mánuði. Námskeiðið stendur í þrjá mánuði og er greitt fyrir námskeiðið með eingreiðslu við skráningu.

Þátttakendur í námskeiðinu hafa fullan aðgang að World Class og Lágafellslaug á öðrum tímum dags meðan á námskeiðinu stendur. Allar nánari upplýsingar um námskeiðið veitir Elva Björg Pálsdóttir s. 586-8014 / 698-0090 á netfanginu elvab@mos.is og tekur hún niður skráningar.

Leikfimi fyrir eldri borgara

Til baka