Nýtt leiðanet Strætó í mótun

11/10/2019

Strætó óskar eftir þátttöku almennings í mótun Nýs leiðanets. Nýtt leiðanet er afrakstur vinnu faghóps um leiðakerfismál og markmið verkefnisins er að laga Strætó að breyttu skipulagi og innleiða nýjar áherslur þar sem örari tíðni og styttri ferðatími verður í forgrunni.

Almenningur hvattur til að taka þátt

Strætó leggur mikla áherslu á þátttöku almennings í mótun Nýs leiðanets. Hægt er að skila inn hugmyndum og ábendingum á vef leiðanetsins.

Fyrstu hugmyndir að Nýju leiðaneti

Lagt er til að skipta leiðanetinu í tvo flokka: stofnleiðir og almennar leiðir og taka fyrstu hugmyndir mið af því.

Stofnleiðanetið er skipulagt sem burðarásinn í Nýju leiðaneti og tilgangur þess verður að flytja mikinn fjölda farþega á sem stystum tíma. Áætlað er að vagnar á stofnleiðum aki á 7-10 mínútna fresti á annatímum og 15-20 mínútna fresti utan annatíma.

Borgarlína mun leysa hluta stofnleiðanets Strætó af hólmi eftir því sem sérrými Borgarlínu byggist upp.

Frekari upplýsingar á vef Strætó

Til baka