Fréttir eftir mánuðum

Á Gamlársköld verður áramótabrenna í Ullarnesbrekkum. Mosfellsbær og handknattleiksdeild Aftureldingar standa fyrir brennunni sem kveikt verður í kl: 20.30. Björgunarsveitin Kyndill verður með flugeldasýningu skömmu eftir að kveikt er í brennunni.

Grunnskólanemum með lögheimili á höfuðborgarsvæðinu gefst nú kostur á að kaupa nemakort Strætó bs. en hingað til hafa þau einungis verið í boði fyrir nema á framhalds- og háskólastigi.

Frá og með 1. janúar 2012 verða gerðar breytingar á niðurgreiðslum á vistunarkostnaði barna. Þessar breytingar ná bæði til leikskólagjalda og til niðurgreiðslna vegna daggæslu barna í heimahúsi.
Breytingarnar eru þær að niðurgreiðslur verða tekjutengdar en ekki bundnar við stöðu foreldra (einstæðir foreldrar og báðir foreldrar í námi).

Hið árlega jólaball Menningarmálanefndar Mosfellsbæjar og Hlégarðs veður haldið þriðjudaginn 27. desember kl: 17:00 í Hlégarði. Edda Borg og hljómsveit skemmta og jólasveinarnir mæta á svæðið.

Starfsfólk Mosfellsbæjar óskar Mosfellingum sem og öðrum viðskiptavinum sveitarfélagsins gleðilegra jóla og þakkar samstarfið á árinu sem er að líða.

Í dag verður opnuð ný sýning í Listasal Mosfellsbæ kl. 16-18. Sýningin ber titilinn „ Með pensli og paletthníf II“  og er samsýning listamannanna Kristins G. Jóhannssonar og Guðmundar Ármanns Sigurjónsson.  Allir hjartanlega velkomnir - Aðgangur ókeypis

Undafarin ár  hefur Þrettándabrenna Mosfellsbæjar farið fram kl: 20:00 að kvöldi þrettánda dags jóla. Ábendingar hafa borist um að  jafnvel myndi henta betur að hafa brennuna kl:18:00. Rík hefð er fyrir þessari brennu hér í bæ og viljum við ekki taka þessa ákvörðun án þess að leyfa bæjarbúum að segja sína skoðun. Hvetjum við bæjarbúa til að gefa sér örstutta stund og gefa sitt atkvæði..

Dagana 28.nóvember – 2.desember fóru tveir nemendur úr 10.bekk  þau Björn Bjarnarson og Alexandra Líf Benediktsdóttir  og tveir kennarar þær Jóna Dís Bragadóttir og Guðlaug Ósk Gunanrsdóttir í Comeniusarferð til Malmö í Svíþjóð. 

Handknattleiksdeild Aftureldingar selur jólatré fyrir þessi jól til styrktar meistaraflokki kvenna. Salan fer fram við Háholt. Mikið uppbyggingarstarf er í gangi innan kvennaboltans í Handknattleiksdeild.
Til að fjármagna starfið stendur deildin fyrir jólatréssölu til styrktar starfinu.

Jólatrjáasala Skógræktarfélags Mosfellsbæjar er opin í Hamrahlíðinni við Vesturlandsveg til jóla. Opnunartími er kl. 12-16 virka daga
og 10-16 um helgar. Hægt er að fara í skóginn og saga sjálfur tré en einnig verða til söguð tré á staðnum. Um helgar koma jólasveinar í skóginn klukkan 14.

Börnin á leikskólanum Huldubergi í Mosfellsbæ fengu óvænta heimsókn í dag, þegar jólasveinar komu til þeirra í strætó og fengu þau til að hjálpa sér að skreyta vagninn að innan. Spennan var mikil meðal barnanna þegar vagninn renndi í hlað og hámarki náði jólastemmningin þegar þeim var boðið í stuttan leiðangur um hverfið með strætó, þar sem að sjálfsögðu voru sungin jólalög.

Sigrún Hjálmtýsdóttir ásamt blásarasextett, í daglegu tali Diddú og drengirnir, halda sína árlegu aðventutónleika í Mosfellskirkju í kvöld,  miðvikudaginn 14. desember, kl. 20:30. Efnisskráin er með hefðbundnum hætti, klassískir tónar og jólalög. Aðventutónleikar Diddúar og drengjanna eru sérstakur tónlistarviðburður

Í dag verður opnað skautasvell við efri deild Varmárskóla. Um er að ræðatilraunaverkefni í samvinnu skautaáhugafólks í bænum og Mosfellsbæjar.
Mosfellingar eru hvattir til að taka fram skautana og prófa svellið. Vonandi verður þessari  tilraun vel tekið og bæjarbúar geti notið góðrar skemmtunnar á nýja svellinu.

AFGANGUR AF REKSTRI MOSFELLSBÆJAR
AÐHALD OG HAGRÆÐING Í STAÐ NIÐURSKURÐAR

Fjárhagsáætlun Mosfellsbæjar fyrir árið 2012 hefur verið lögð fram í bæjarráði og vísað til fyrri umræðu í bæjarstjórn 7. desember. Megináherslur hennar eru að standa vörð um grunn og velferðarþjónustu Mosfellsbæjar en jafnframt að skila jákvæðri rekstrarniðurstöðu.