Fréttir eftir mánuðum

Eftirfarandi störf eru laus til umsóknar: Íþróttakennari, Þroskaþjálfi eða leikskólasérkennari, Deildarstjóri í leikskóla og annað starfsfólk. Umsóknarfrestur er til og með 12. ágúst 2014. Við hvetjum fólk af báðum kynjum til að sækja um starfið.

Laugardaginn 26.júlí kl. 14:00 verður opnuð sýning þórdísar Jóhannesdóttur í Listasal Mosfellsbæjar, Kjarna, Þverholti 2. Þar sýnir hún röð ljósmynda með ljóðrænu yfirbragði. Sýningin er opin til 16. ágúst á afgreiðslutíma Bókasafnsins kl. 12-18 virka daga og laugardaga 12-15.

Umhverfisnefnd Mosfellsbæjar óskar eftir tilnefningum til umhverfisviðurkenninga Mosfellsbæjar fyrir árið 2014. Almenningur getur tilnefnt þá garða, götur og fyrirtæki í Mosfellsbæ sem þeim finnst skara fram úr í umhverfismálum. Tilnefning þín til umhverfisviðurkenninga þarf að berast fyrir 1. ágúst.

Unnið er að viðgerð á heitavatnslögn í Engjateig í dag, mánudaginn 21. júlí, frá klukkan 10:00 og fram eftir degi.

Viktor Weisshappel hefur verið ráðinn af Mosfellsbæ til að mála strætóskýli bæjarins. Miðvikudaginn 16. júlí klukkan 20:00 var skýlið við Reykjaveg lífgað við. Tónlistafólkið Páll Cecil, Guðlaugur Halldór Einarsson og Kári Guðmundsson spila tónlist á meðan. Bæði tónlistin og verkið var spunnið á staðnum.

Þjóðdansafélagið, í samvinnu við Nordlek, stendur fyrir norrænu þjóðdansa- og þjóðlagamóti fyrir börn í Mosfellsbæ daga 9. til 12. júlí nk. BARNLEK 2014. Föstudaginn 11. júlí klukkan 13:15 verður farið í skrúðgöngu frá Varmárskóla að Miðbæjartorgi þar sem dansað verður á nokkrum stöðum fram til kl 16:00 og er það von forsvarsmanna mótsins að sem flestir muni hafa gleði af því að fylgjast með en einnig verður farið í heimsókn á Eirhamra og dansað þar.

Sett hefur verið upp nýtt 1500 fermetra hundagerði í Ullarnesbrekkum, í fallegu umhverfi Ævintýragarðs Mosfellinga. Þar er hundaeigendum heimilt að sleppa sínum hundum lausum undir eftirliti.

Frá og með deginum í dag hefst nýtt tímabil frístundarávísunar í Mosfellsbæ. Nýja frístundarávísunin er gild frá 1.júlí 2014 til 30.júní 2015.

10-12 ára starfið hefur gengið vonum framar í sumar. Nú má byrja að skrá sig á miðvikudagana í júlí. skráning er á bolid@mos.is