Bæjarhátíð Mosfellsbæjar, Í túninu heima, er haldin síðustu helgina í ágúst ár hvert.
Fjölbreyttir menningarviðburðir eru í boði, tónleikar, myndlistasýningar, útimarkaðir og íþróttaviðburðir svo fátt eitt sé nefnt.
Hátíðin hefst formlega á föstudagskvöldi með skrúðgöngu, varðeld og brekkusöng í Álafosskvos.
Hápunktur hátíðarinnar er á laugardagskvöld þegar stórtónleikar fara fram á Miðbæjartorgi og stíga ávallt landsþekktar hljómsveitir ásamt heimafólki á svið.
Hverfalitir
Bærinn er klæddur í hátíðarbúning með skreytingum þar sem hvert hverfi hefur sinn lit.
- Gulur: Hlíðar, Höfðar, Tún og Mýrar.
- Rauður: Tangar, Holt og miðbær.
- Bleikur: Teigar, Krikar, Lönd, Ásar, Tungur og Mosfellsdalur.
- Blár: Reykjahverfi og Helgafellsland.
Viltu taka þátt?
Íbúar, félagasamtök og fyrirtæki í Mosfellsbæ eru hvött til að taka virkan þátt í hátíðinni.
Ef einhverjir luma á hugmyndum eða vilja vera með viðburð Í túninu heima hjá sér, þá má senda tölvupóst á ituninuheima[hja]mos.is.
Sölubásar
Sölubásar verða staðsettir í Álafosskvosinni. Til að fá upplýsingar um markaðinn í Álafosskvos bendum við á Facebook síðu markaðarins.
Mosfellsbæjarpeysan
Saga ullariðnaðar á Íslandi hefur verið samofin sögu Mosfellsbæjar í gegnum tíðina. Í tilefni bæjarhátíðarinnar hefur Mosfellsbær látið hanna „Mosfellsbæjarpeysu“ og má finna uppskriftir að peysunni hér að neðan. Peysan ber merki Mosfellsbæjar og hægt er að velja mynstur eftir mismunandi hverfislit.
Prjónauppskriftir
Hátíðarlagið
- Lag: Sigrún Harðardóttir
- Texti: Agnes Wild
- Myndband: Ágúst Elí Ásgeirsson
- Hljóðupptaka: Arnór Sigurðarson
- Hljóðfæraleikur: Arnór Sigurðarson, Flemming Viðar Valmundsson, Loftur S. Loftsson, SigrúnHarðardóttir, Kristjón Daðason og Örn Kjærnested