Kærleiksvikan

Kærleiksvika var haldin í tíunda sinn í Mosfellsbæ vikuna 11.-17. febrúar 2019.

Eins og áður er kærleikurinn ofar öllu.

Markmið vikunnar er að hver einasti bæjarbúi finni fyrir kærleik í sinn garð og gefi öðrum kærleik. Þetta gæti falist í hrósi, faðmlagi, brosi, fallegum skilaboðum eða einhverju öðru uppbyggilegu og skemmtilegu.

Hugmyndin er að sem flest félagasamtök, stofnanir, fyrirtæki, hópar og einstaklingar taki þátt í vikunni með sínum hætti. Skorað er á mosfellinga að koma með hugmyndir að viðburðum og sjá um framkvæmd þeirra. Sendið okkur skilaboð á vigdisstein[hja]hotmail.com um þinn viðburð svo hann komist inn í dagskrána.

Undirbúningshópur kærleiksvikunnar vonar að vikan verði full af kærleiksríkum viðburðum, verkefnum og uppákomum.

Í undirbúningshópnum eru: Hreiðar Örn Zoëga, hreidar[hja]kirkjan.is, og Vigdís Steinþórsdóttir, vigdisstein[hja]hotmail.com.