Félagsmiðstöðvar

Í félagsmiðstöðvunum er boðið upp á uppbyggilegt félagsstarf fyrir 10-16 ára börn og unglinga í frítímanum. 

Áhersla er lögð á að ná til þeirra unglinga sem þarfnast félagslegs stuðnings og að bjóða upp á fjölbreytileg viðfangsefni.

Unnið er í klúbbum, sértæku hópastarfi, opnu starfi og tímabundnum verkefnum.

Unglingalýðræði

Félagsmiðstöðvastarfið byggir á hugmyndafræði unglingalýðræðis sem á að tryggja áhrif þeirra á starfið. Rammar unglingalýðræðis eru landslög, ákvarðanir borgaryfirvalda og fjárhagsáætlun félagsmiðstöðvarinnar.

Í öllum félagsmiðstöðvum starfa unglingaráð sem móta viðfangsefni líðandi stundar og eru talsmenn unglinganna. Forvarnir meðal unglinga, hvað varðar reykingar, vímuefni og einelti, er snar þáttur í starfinu og lögð er áhersla á að styrkja jákvæða sjálfsmynd þeirra og stuðla að heilbrigðum lífsstíl. 

Stutt er við félagsstarf unglinga í 5. - 10. bekk í grunnskólum Reykjavíkur.

 

Ungmennahúsið Mosinn

Ungmennahúsið er vettvangur fyrir ungt fólk að koma hugmyndum sínum í framkvæmd, t.d. halda listasýningar, stofna leikhóp eða spila tölvuleiki.

  • Ungmennahúsið er fyrir alla á aldrinum 16-25 ára.
  • Vikulegir viðburðir á þriðjudögum kl. 19:00 - 23:00 í Bólinu í Varmá.

Markmið og hugmyndafræði ungmennahússins er að:

  • Veita ungu fólki aðstöðu og aðstoð við að koma hugmyndum sínum í framkvæmd.
  • Bjóða upp á heilbrigðan og vímuefnalausan valkost til afþreyingar fyrir ungt fólk.
  • Virkja ungt fólk til félagslegra athafna og koma í veg fyrir félagslega einangrun og aðgerðarleysi.
  • Leiðbeina ungu fólki í samstarfi við fagaðila og samtök.
  • Opna á tækifæri fyrir ungt fólk fyrir Evrópusamstarfi.

 

Samfélagsmiðlar

 

Félagsmiðstöðvar - Varmá Ból og Lágó

Það er alltaf eitthvað að gerast í Bólinu en einnig er hægt að spila billiard, borðtennis og fúsball, horfa á sjónvarp, spjalla og ýmislegt annað. Fastir liðir eru árshátíð Bólsins, söngvakeppni, fræðslukvöld, stjörnuleikurinn, ferðir og ýmislegt annað.

Foreldrar eru velkomnir í heimsókn í Bólið og þar geta þeir kynnt sér starfsemina, einnig eru haldin sérstök foreldrakvöld þar sem foreldrar eru hvattir til að mæta með unglingunum sínum og kynnast þeirra umhverfi.

Allir sem eru í 5.-10. bekk Varmárskóla og Lágafellsskóla eru velkomnir í félagsmiðstöðvarnar.

Samfélagsmiðlar