Mosfellsbær

Tveir nýir leikvellir hafa verið opnaðir í Mosfellsbæ, annar í Helgafellshverfi og hinn í Leirvogstunguhverfi. Leikvöllurinn í Helgafellshverfi er fyrir neðan Uglugötu og hentar öllum aldri. Fjölbreytt leiktæki eru á svæðinu sem eiga að henta öllum jafnt ungabörnum sem fullorðnum.

Framkvæmdum við tvöföldun Vesturlandsvegar á kaflanum milli Skarhólabrautar og Langatanga lauk nú fyrir jól. Um er að ræða mikilvæga framkvæmd fyrir Mosfellinga og landsmenn alla þar sem oft hafa myndast raðir í og úr bænum á annatímum.

Eftir helgi hefjast framkvæmdir við 1. áfanga samgöngustígs í Ævintýragarði. Samgöngustígurinn mun liggja frá Brúarlandi, yfir Varmá, framhjá hundagerði og Ævintýragarði og inn að Tunguvegi.

Ný úttekt verðlagseftirlits ASÍ á meðal 15 stærstu sveitarfélaga landsins leiðir fram að foreldrar í Mosfellsbæ greiða lægstu leikskólagjöld á landinu fyrir níu tíma leikskóladag og næst lægstu leikskólagjöldin fyrir átta klukkustunda leikskóladag með fæði.

Opnað hefur verið fyrir umsóknir á sérstökum íþrótta- og tómstundastyrkjum fyrir börn sem búa á tekjulægri heimilum þar sem markmiðið er að jafna tækifæri þeirra til þátttöku í skipulögðu íþrótta- og tómstundastarfi. Styrkirnir koma til viðbótar hefðbundnum íþrótta- og tómstundastyrkjum sveitarfélaga.

Vegna bilunar á dælubúnaði á hitaveitu er lítill vatnsþrýstingur í Desjamýri. Unnið er að bráðabirgðaviðgerð.