Jafnréttisviðurkenning Mosfellsbæjar

Lýðræðis- og mannréttindanefnd Mosfellsbæjar óskar árlega eftir tilnefningum til Jafnréttisviðurkenningar Mosfellsbæjar.

Tilgangur jafnréttisviðurkenningarinnar er að veita viðurkenningu fyrir vel unnin störf að jafnréttismálum í samræmi við jafnréttisáætlun Mosfellsbæjar.

Jafnréttisviðurkenningu Mosfellsbæjar 2020 hlaut Mosfellingurinn Jewells Chambers. Jewells er fædd og uppalin í Brooklyn í New York en flutti hingað til Íslands árið 2016. Hún er gift Gunnari Erni Ingólfssyni og búa þau saman hér í Mosfellsbæ. Jewells er verkfræðingur að mennt frá Rensselaer Polytechnic Institute og starfar sjálfstætt í dag.

Til að eiga möguleika á að hljóta jafnréttisviðurkenningu Mosfellsbæjar þarf:

1) Einstaklingur að hafa skarað framúr í vinnu að jafnréttismálum.

2) Fyrirtæki, stofnun eða félag að hafa:

  • Sérstaka stefnu eða áætlun í jafnréttismálum.
  • Unnið í því að afnema staðalímyndir kynjanna.
  • Sett sér aðgerðaráætlun sem tæki til að vinna að  framgangi jafnréttis kvenna og karla.
  • Gert ráðstafanir til að koma í veg fyrir kynbundið- eða kynferðislega áreitni á vinnustað.
  • Veitt starfsmönnum fræðslu um jafnréttismál.