Bæjarstjórnarfundur

30/11/2009
Haldinn í 2. hæð Helgafell,
12.08.2009 og hófst hann kl. 17:00

Fundinn sátu: Karl Tómasson (KT) Forseti, Hafsteinn Pálsson (HP) 1. varaforseti, Herdís Sigurjónsdóttir (HS) 2. varaforseti, Haraldur Sverrisson (HSv) aðalmaður, Marteinn Magnússon (MM) aðalmaður, Jónas Sigurðsson (JS) aðalmaður, Hanna Bjartmars Arnardóttir (HBA) aðalmaður, Stefán Ómar Jónsson (SÓJ) bæjarritari og Jóhanna Björg Hansen (JBH) bæjarritari

Fundargerð ritaði: Stefán Ómar Jónsso, bæjarritari




Dagskrá: 

1. 200908269 -  Greinarskrif í DV 12.8.2009.



Til máls tóku: MM, HSv, JS, KT og HS.

Umræða fór fram um greinarskrif er birtust í DV í dag miðvikudaginn 12. ágúst 2009.

2. 200907021F -  Skipulags- og byggingarnefnd Mosfellsbæjar - 257


Fundargerð 257. fundar skipulags- og byggingarnefndar lögð fram til afgreiðslu á 516. fundi bæjarstjórnar eins og einstök erindi bera með sér.

 

3. 200907031 -  Breyting á aðalskipulagi vegna deiliskipulags miðbæjar


Til máls tóku: JS, HP, HSv, JBH, KT og MM.

 

Afgreiðsla 257. fundar skipulags- og byggingarnefndar, um að auglýsa breytingu á aðalskipulagi vegna deiliskipulags miðbæjar, staðfest á 516. fundi bæjarstjórnar með sjö atkvæðum.Jafnframt verði framkvæmdastjóra umhverfissviðs falið að vinna greinargerð og að leita álits Umhverfisstofnunar á náttúrufræðilegu gildi svæðisins.

4. 200504043 -  Deiliskipulag miðbæjar Mosfellsbæjar


Til máls tóku: JS, KT, HSv, HS, HP, JS og MM.

 

Afgreiðsla 257. fundar skipulags- og byggingarnefndar, um að auglýsa breytingu á deiliskipulags miðbæjar, staðfest á 516. fundi bæjarstjórnar með sjö atkvæðum.

 


Bókun S-lista Samfylkingar vegna tillögu að deiliskipulagi miðbæjar.


 


Í umræðum við deiliskipulagsgerðina höfum við ítrekað komið með þær hugmyndir að þörf væri á að tengja betur saman fyrirhugaðann trjágarð og menningarhús ásamt því færa reit fyrir framhaldsskólann nær því svæði og með þeim hætti að skapa samfelldari heild fyrir mannlíf og starfsemi á svæðinu. Í þessu felst jafnframt að ekki yrði þá gert ráð fyrir byggingareitum fyrir íbúðarhúsnæði milli athafnasvæðis og framhaldsskóla sunnan Bjarkarholtsins. Jafnframt bendum við á að í samkeppnistillögum um menningarhús og kirkju koma fram ýmsar hugmyndir um nágrenni þess svæðis sem nýta mætti í deiliskipulagstillögunni.


 


 


Bókun D og V lista.


 


Það er fagnaðarefni að vinna við nýtt deiliskipulag miðbæjar sé komið á það stig  að verða auglýst og sett í formlega kynningu.  Eins og fram kemur í fundargerð skipulags- og byggingarnefndar hefur skipulagið verið í vinnslu allt frá árinu 2005 og alls verið fjallað um það 54 sinnum í nefndum og ráðum bæjarins.  Sérstök áhersla hefur verið lögð á að fá fram skoðanir og vilja bæjarbúa við þessa vinnu, m.a.  með viðhorfskönnun meðal íbúa, rýnihópum komið á fót auk þess sem sérstök forkynning hefur farið fram.  Það er von okkar að það skipulag sem hér er lagt fram til auglýsingar geti orðið hornsteinn að glæsilegri framtíðaruppbyggingu nýs miðbæjar Mosfellsbæjar til næstu ára og áratuga.


 


 


Bókun fulltrúa B-lista vegna deiliskipulags miðbæjar Mosfellsbæjar.


 


Nýtt deiliskipulag miðbæjar hefur verðið í vinnslu um nokkurt skeið og hefur sú vinna einkennst af of litlu samráði en vilji meirihlutans ráðið för í megin atriðum.


Það er lýsandi fyrir yfirgang meirihlutans að ráðist var í hönnunarsamkeppni um kirkju- og menningarhús á reit sem í fyrsta lagi bæjarfélagið hafði ekki yfiráð yfir og hefur ekki enn tryggt sér. Í öðru lagi var reiturinn of lítill þannig fara verður töluvert inn á hverfisverndað klapparsvæði til að koma byggingunni fyrir. Í þriðja lagi hafa bæjarbúar fram að þessu ekki fengið að segja álit sitt á samkrulli kirkju- og menningarhús né staðsetningu kirkjunnar. Opinberlega hafa komið fram deildar meiningar um hvoru tveggja.


Gagnrýni fulltrúa B-lista hefur m.a. snúið að þessum þáttum auk þess að gagnrýna að aðeins sé gert ráð fyrir 270 íbúða aukningu á svæðinu. Öflug íbúabyggð er ein af forsendum mannlífs og þjónustu í miðbænum. Aukið byggingarmagn er auk þess forsenda þess að farið verði í framkvæmdir enda þurfa byggingaraðilar í sumum tilfellum að kaupa upp dýrar lóðir og hús áður en hægt verður að ráðast í framkvæmdir.


Fulltrúi B-lista lagði ennfremur til  að skoðuð yrð áhrif fyrirhugaðra bygginga á vind á svæðinu en því var hafnað af meirihlutanum.


Gott skjól á miðbæjarsvæði er eitt af því  sem góður miðbær þarf að bjóða uppá.


Jafnframt er staðsetning framhaldsskóla umhugsunarverð þau sjónarmið um hvort staðsetja mætti skólann nær miðsvæðinu en nú er fyrirhugað gæti verið til að bæta yfirbragð tillögunnar.


 


Hvað varðar deiliskipulagsferlið sjálft þá hefði verið lýðræðislegra að fara í samkeppni um miðbæjarsvæðið í heild sinni, kynna vel og leyfa síðan íbúum Mosfellsbæjar að kjósa um tillögurnar, þannig hefði meirihluti íbúa ráðið með hvaða hætti miðbærinn þeirra þróast og þannig tryggja íbúalýðræði í raun.


 


 


Bókun D og V lista


 


Í tilefni af bókun fulltrúa B-lista vill meirihlutinn vísa á bug fullyrðingum fulltrúa Framsóknarflokksins um skort á lýðræðislegum vinnubrögðum og vísar í þeim efnum til bókunar hér að framan og bókunar meirihluta skipulags- og byggingarnefndar þar að lútandi.  Þá skal þess getið að skipulagshöfundur hefur fjallað sérstaklega um skjólmyndun og vindáhrif á miðbæjarsvæðið við gerð tillögunnar eins og bæjarfulltrúanum á að vera fullkunnugt um.  Það kemur hins vegar ekki á óvart að bæjarfulltrúinn haldi áfram hagsmunagæslu eins fyrirtækis á kostnað heildarhagsmuna allra bæjarbúa varðandi lóð fyrir kirkju og menningarhús. 


5. 200703143 -  Háspennulínur Hellisheiði - Straumsvík/Geitháls, ósk um br. á aðalskipulagi


Afgreiðsla 257. fundar skipulags- og byggingarnefndar staðfest á 516. fundi bæjarstjórnar með sjö atkvæðum.

6. 200601077 -  Grund við Varmá, lnr. 125419 - deiliskipulag


Erindinu var frestað á 257. fundi skipulags- og byggingarnefndar. Frestað á 516. fundi bæjarstjórnar.

7. 200907056 -  Langitangi 5, umsókn um byggingarleyfi



Erindinu var frestað á 257. fundi skipulags- og byggingarnefndar. Frestað á 516. fundi bæjarstjórnar.

8. 200907070 -  Teigur, ósk um að jörðin verði tekin inn sem byggingarland í aðalskipulagsbreytingu.



Erindinu var frestað á 257. fundi skipulags- og byggingarnefndar. Frestað á 516. fundi bæjarstjórnar.

9. 200907072 -  Suður-Reykir 2, ósk að lóðin 0007-2610 verði skráð sem byggingarreitur.



Erindinu var frestað á 257. fundi skipulags- og byggingarnefndar. Frestað á 516. fundi bæjarstjórnar.

10. 200907131 -  Erindi Fjarska ehf. varðandi uppsetningu fjarskiptabúnaðar



Erindinu var frestað á 257. fundi skipulags- og byggingarnefndar. Frestað á 516. fundi bæjarstjórnar.

11. 200906026F -  Bæjarráð Mosfellsbæjar - 940


Fundargerð 940. fundar bæjarráðs lögð fram til kynningar á 516. fundi bæjarstjórnar. Bæjarráð hefur áður afgreitt efnisliði fundargerðarinnar á grundvelli fullnaðarafgreiðsluumboðs frá bæjarstjórn.

12. 200906029F -  Bæjarráð Mosfellsbæjar - 941


Fundargerð 941. fundar bæjarráðs lögð fram til kynningar á 516. fundi bæjarstjórnar. Bæjarráð hefur áður afgreitt efnisliði fundargerðarinnar á grundvelli fullnaðarafgreiðsluumboðs frá bæjarstjórn.

13. 200907014F -  Bæjarráð Mosfellsbæjar - 942


Fundargerð 942. fundar bæjarráðs lögð fram til kynningar á 516. fundi bæjarstjórnar. Bæjarráð hefur áður afgreitt efnisliði fundargerðarinnar á grundvelli fullnaðarafgreiðsluumboðs frá bæjarstjórn.

14. 200907026F -  Bæjarráð Mosfellsbæjar - 943


Fundargerð 943. fundar bæjarráðs lögð fram til kynningar á 516. fundi bæjarstjórnar. Bæjarráð hefur áður afgreitt efnisliði fundargerðarinnar á grundvelli fullnaðarafgreiðsluumboðs frá bæjarstjórn.

15. 200908001F -  Bæjarráð Mosfellsbæjar - 944


Fundargerð 944. fundar bæjarráðs lögð fram til kynningar á 516. fundi bæjarstjórnar. Bæjarráð hefur áður afgreitt efnisliði fundargerðarinnar á grundvelli fullnaðarafgreiðsluumboðs frá bæjarstjórn.

16. 200906265 -  SSH - fundargerð 336. fundar


Fundargerð 336. fundar SSH lögð fram á 516. fundi bæjarstjórnar.

17. 200906266 -  SSH - fundargerð 337. fundar


Fundargerð 337. fundar SSH lögð fram á 516. fundi bæjarstjórnar.

18. 200906202 -  Strætó bs. fundargerð 120. fundar


Fundargerð 120. fundar Strætó bs. lögð fram á 516. fundi bæjarstjórnar.

19. 200711161 -  Menningarhús og kirkja í Mosfellsbæ



Bæjarstjórn þakkar þeim fjölmörgu sem sendu inn tillögur í hugmyndasamkeppni um kirkju og menningarhús í miðbæ Mosfellsbæjar og þakkar dómnefnd og starfsmönnum fyrir vel unnin störf. Jafnframt felur bæjarstjórn bæjarstjóra að vinna áfram að málinu í samvinnu við sóknarnefnd Lágafellssóknar  og kynna framvindu málsins fyrir nefndum  bæjarins eftir því sem við á.


 


Bæjarfulltrúi Marteinn Magnússon situr hjá við afgreiðslu málsins.


Fleira ekki gert. Fundi slitið kl. 20:05 

Til baka