Bæjarstjórnarfundur

24/01/2013

597. fundur
Bæjarstjórnar Mosfellsbæjar
haldinn að Þverholti 2, 2. hæð Helgafell, 
miðvikudaginn 23. janúar 2013 og hófst hann kl. 16:30


Hljóðskrá frá fundinum


Fundinn sátu:
Bryndís Haraldsdóttir (BH), Karl Tómasson (KT), Kolbrún G Þorsteinsdóttir (KGÞ), Haraldur Sverrisson (HSv), Hafsteinn Pálsson (HP), Jón Jósef Bjarnason (JJB), Jónas Sigurðsson (JS), Stefán Ómar Jónsson (SÓJ).

Fundargerð ritaði:  Stefán Ómar Jónsson, bæjarritari

 

Dagskrá:

1.  201212014F - Bæjarráð Mosfellsbæjar - 1103
 Fundargerð 1103. fundar bæjarráðs lögð fram til afgreiðslu á 597. fundi bæjarstjórnar eins og einstök erindi bera með sér.
  
 1.1. 201211007 - Erindi Heilbrigðiseftirlits Kjósarsvæði varðandi verkferla við hundaeftirlit
  Heilbrigðiseftirlit Kjósarsvæðis leggur fram til umfjöllunar og afgreiðslu verkferla varðandi hundaeftirlit á starfssvæði sínu.1097. fundur bæjarráðs vísaði erindinu til umsagnar framkvæmdastjóra umhverfissviðs.
  Niðurstaða 1103. fundar Bæjarráðs Mosfellsbæjar
  Samþykkt með þremur atkvæðum að fela starfsmönnum umhverfissviðs og heilbrigðiseftirlits að vinna sameiginlega tillögu að verkferlum og leggja fyrir bæjarráð.
 
  Afgreiðsla þessa fundar:
  Til máls tók: KT.
  Afgreiðsla 1103. fundar bæjarráðs samþykkt á 597. fundi bæjarstjórnar með sjö atkvæðum.
 
 1.2. 201211059 - Erindi Hestamannafélagsins Harðar vegna útgáfu á sögu félagsins
  Erindi Hestamannafélagsins Harðar þar sem óskað er eftir styrk bæjarins vegna útgáfu á bókar í tilefni af 60 ára sögu félagsins.Áður á dagskrá 1098. fundar bæjarráðs þar sem óskað var umsagnar menningarmálanefndar. Hjálögð er umsögnin.
  Niðurstaða 1103. fundar Bæjarráðs Mosfellsbæjar
  Samþykkt með þremur atkvæðum að bæjarstjóra og framkvæmdastjóra menningarsviðs að skoða málið.
 
  Afgreiðsla þessa fundar:
  Afgreiðsla 1103. fundar bæjarráðs samþykkt á 597. fundi bæjarstjórnar með sjö atkvæðum.
 
 1.3. 201212013 - Virkni 2013
  Vinna og Virkni átaki til atvinnu 2013.Áður á dagskrá 1101. fundar bæjarráðs þar sem erindið var lagt fram. Fram er lagt minnisblað framkvæmdastjóra fjölskyldusviðs þar sem gerð er frekari grein fyrir verkefninu.
  Niðurstaða 1103. fundar Bæjarráðs Mosfellsbæjar
  Samþykkt með þremur atkvæðum að Mosfellsbær taki þátt í verkefninu Vinna og virkni 2013, en áætluð nettó útgjöld vegna þátttöku í verkefninu eru um 5 milljónir króna.
 
  Afgreiðsla þessa fundar:
  Til máls tók: JJB, KGÞ, JS, BH 0g HSv.
  Afgreiðsla 1103. fundar bæjarráðs samþykkt á 597. fundi bæjarstjórnar með sjö atkvæðum.

Bókun.
Íbúahreyfingin skorar á bæjarstjórn að verja þeim peningum sem ætlað er í Virkni 2013 til þess að skapa varanleg störf og nýta til þess þann dýrmæta mannauð sem verkefninu er ætlað að sinna í stað þess að búa til sérstök tímabundin störf eða niðurgreiða vinnuafl eins og ætlunin er að gera.
Við viljum sem dæmi benda á bláberjarækt en Kanada flytur út bláber fyrir 30 milljarða króna á ári. Mosfellsbær gæti sett upp slíka ræktun, enda er hér nægt rými og næg orka en skortur á framsýnum fjárfestum.

Jón Jósef Bjarnason, fulltrúi Íbúahreyfingarinnar í Mosfellsbæ.
 
 1.4. 201212095 - Erindi Lögreglustjórans, umsagnarbeiðni vegna Þrettándabrennu
  Erindi Lögreglustjórans á höfuðborgarsvæðinu varðandi umsögn um þrettándabrennu neðan Holtahverfis.
  Niðurstaða 1103. fundar Bæjarráðs Mosfellsbæjar
  Samþykkt með þremur atkvæðum að bæjarráð Mosfellsbæjar geri ekki fyrir sitt leyti athugasemdir við umsókn um þrettándabrennu neðan Holtahverfis.
 
  Afgreiðsla þessa fundar:
  Afgreiðsla 1103. fundar bæjarráðs samþykkt á 597. fundi bæjarstjórnar með sjö atkvæðum.
 
 1.5. 201212124 - Minnisblað verkefnastjóra þróunar- og gæðamála á fjölskyldusviði varðandi uppgjör vegna launakostnaðar Skálatúnsheimilisins árið 2011
  Minnisblað verkefnastjóra þróunar- og gæðamála á fjölskyldusviði varðandi uppgjör vegna launakostnaðar Skálatúnsheimilisins árið 2011.Hjálagt er minnisblað verkefnastjórans varðandi málið.
  Niðurstaða 1103. fundar Bæjarráðs Mosfellsbæjar
  Samþykkt með þremur atkvæðum að heimila fjölskyldusviði að gera samning við Skálatúnsheimilið vegna aukins launakostnaður vegna kjarasamninga á árinu 2011 að upphæð krónur 5.884.500 sem greitt verði á árunum 2012-2014.
 
  Afgreiðsla þessa fundar:
  Afgreiðsla 1103. fundar bæjarráðs samþykkt á 597. fundi bæjarstjórnar með sjö atkvæðum.
 
   
2.  201301009F - Bæjarráð Mosfellsbæjar - 1104
 Fundargerð 1104. fundar bæjarráðs lögð fram til afgreiðslu á 597. fundi bæjarstjórnar eins og einstök erindi bera með sér.
  
 2.1. 201103056 - Erindi Innanríkisráðuneytisins varðandi lánamál og ábyrgðir
  Álit Innanríkisráðuneytisins frá 21. desember 2012 sem ráðuneytið hefur haft til meðferðar varðandi ábyrgðarveitingu Mosfellsbæjar.
  Niðurstaða 1104. fundar Bæjarráðs Mosfellsbæjar
  Álit Innanríkisráðuneytisins lagt fram til kynningar.
 
  Afgreiðsla þessa fundar:
  Til máls tóku: BH, JJB, HSv,JS, HP, KGÞ og KT.
  Bókun D og V-lista.
Forsaga málsins er sú að á árinu 2008 skulduðu Helgafellsbyggingar Mosfellsbæ um 200 milljónir vegna samnings um uppbyggingu í Helgafellshverfi. Samningsaðilar ákváðu að skuldin yrði gerð upp með útgáfu víxla. Til tryggingar greiðslu víxlanna fékk bærinn veð í annarsvegar byggingarrétti á tveimur fjölbýlishúsalóðum við Gerplustræti með um 57 íbúðum og hins vegar einbýlishús við Brekkuland. Til að gera skuldina upp seldi Mosfellsbær víxlana og gekkst þar með undir s.k. framsals- eða seljandaábyrgð. Ekki er ágreiningur um að bænum hafi verið heimilt að taka víð víxlunum sem greiðslu. Það er hinsvegar álitamál hvort framsalsábyrgðin sé í samræmi við 6.mgr.73. gr. sveitarstjórnarlaga. Innanríkisráðuneytið og LEX lögmannsstofa telja svo ekki vera en Juris lögmannsstofa og KPMG endurskoðun eru á gagnstæðri skoðun. Bæjarfulltrúum D- og V-lista þykir miður að möguleiki sé fyrir hendi að í þessu máli hafi ekki verið farið að lögum. Það skal þó fullyrt að bæjarfulltrúar sem og embættismenn sem að málinu komu unnu í góðri trú um að ekkert væri athugavert við málsmeðferðina. Að málinu unnu löglærðir embættismenn og endurskoðendur bæjarins og allir bæjarfulltrúar hvar í flokki sem þeir stóðu samþykktu gjörninginn enda talin besta leiðin til að tryggja hag bæjarins.
Það var mat manna á þessum tíma að sala víxlanna væri eina leiðin til að fá skuldina greidda enda gekk það eftir. Bærinn gengur frá málinu fullkomlega skaðlaus, skuldin er uppgerð að fullu og veðin sem bærinn tók fyrir greiðslu skuldarinnar hafa verið afhent núverandi skuldareiganda sem er Landsbankinn. Vissulega er slæmt að um framsalsábyrgðina sé deilt á meðal lögmanna en mest um vert er að bærinn hlýtur ekki fjárhagslega skaða.


Bókun bæjarfulltrúa S-lista Samfylkingar.
Mál þetta á rætir sínar að rekja allt til júli mánaðar 2008 er samþykkt var að freista þess að tryggja fjárhagslega hagsmuni bæjarins með því að samþykkja greiðslu í formi víxils frá Helgafellsbyggingum, með tryggingu sem metnar voru á þeim tíma fullnægjandi, sem síðan yrði seldur með hefðbundinni seljandaábyrgð. Að þessu máli kom lögfræðingur sem þá gengdi stöðu framkvæmdastjóra stjórnsýslusviðs tímabundið. Engar efasemdir komu fram um að ekki væri fyllilega lagalega rétt staðið að málum. Þróun málsins allt til september 2009 var af sama meiði og engar efasemdir uppi um lögmæti þess. Haustið 2010 koma fram ábendingar að gjörningur þessi gæti stangast á við lög og var því samþykkt að leita álits lögmansstofunnar LEX sem kemst að þeirri niðurstöðu að ekki hafi verið farið að sveitarstjórnarlögum. Í framhaldi af þeirri niðurstöðu var samþykkt að leita álits Innanríkisráðuneytisins sem nú liggur fyrir þar sem komist er að sömu niðurstöðu og hjá lögmansstofunni LEX. Jafnframt liggur fyrir álit frá Juris slf. þar sem komist er að annari niðurstöðu og m.a.bent á hæstaréttardóm því til stuðnings. Ljóst er að um lögfræðilegt álitamál er að ræða og að ekki næst endanleg niðurstaða nema fyrir dómstólum. Burt séð frá lögfræðilegum ágreiningi í máli þessu er ljóst að Mosfellsbær hefur ekki skaðast fjárhagslega af þessum viðskiptum við Helgafellsbyggingar. Þvert á móti voru hagsmunir bæjarins tryggðir og komið í veg fyrir fjárhagslegan skaða sem þó réttlætir ekki lögbrot ef um það hefur verið að ræða.
Til að tryggja eins og kostur er að ávallt sé farið að lögum ber nauðsyn til að endurbæta verkferla hvað lögfræðileg álitamál varðar.

Jónas Sigurðsson.


Nú er ljóst skv. Innanríkisráðuneytinu að "sú ákvörðun Mosfellsbæjar að gangast í framsalsábyrgð vegna þriggja víxla útgefnum af Helgafellsbyggingum hf. ... hafi ekki verið í samræmi við ákvæði 6. mgr. 73. gr. þágildandi sveitarstjórnarlaga nr. 45/1998" og "mat ráðuneytisins að ákvörðun Mosfellsbæjar um að gangast í sjálfskuldarábyrgð vegna láns að upphæð kr. 246.000.000 sem NBI hf. veitti Helgafellsbyggingum hf. þann 24. september 2009" hafi ennfremur verið ólögleg.

Þar með er aftur staðfest að þeir fulltrúar D-, S-, V- og B-lista sem sátu í bæjarstjórn á síðasta kjörtímabili brutu með samþykki sínu ákvæði sveitarstjórnarlaga. Ákvæðin eru sett til þess að gæta hagsmuna sveitarfélagsins, íbúa þess og sem vörn gegn spillingu.
Til viðbótar við lögbrotin var svo hagsmunum íbúa Mosfellsbæjar kastað fyrir róða með því að tryggja lánin á ófullnægjandi hátt.

Íbúahreyfingin átelur framgöngu bæjarstjóra í fréttum RÚV hinn 14. janúar s.l. þar sem hann varpar ábyrgð á umræddum gjörningi á embættismenn bæjarins. Bæjarstjórinn minnist ekki á lögfræðiálit sem Mosfellsbær sannarlega fékk frá Lex lögmannsstofu sem er samhljóða úrskurði innanríkisráðuneytisins um fortaksleysi ákvæðanna sem brotið er gegn en vísar í að "tvö lögfræðiálit séu með aðra niðurstöðu en ráðuneytið". Það er langt til seilst að kalla tölvupóst frá endurskoðendum bæjarins lögfræðiálit enda kemur þar fram að þeir telji æskilegt að óska eftir áliti Sambands íslenskra sveitarfélaga. Hitt "álitið" er svo "drög að punktum" frá Júris sem ekki er undirritað af lögfræðingum stofunnar.

Bæjarstjóri ber því einnig við að lögbrotin hafi verið "eina leið bæjarins á sínum tíma til að fá framgengt að fá þessa skuld greidda". Það er ótrúverðugt og ekki boðlegt fyrir yfirvöld að brjóta lög, óháð því hvort talið sé að af því hljótist fjárhagslegur ávinningur. Slíkt kallast spilling.

Öll framganga meirihlutans í málinu hefur einkennst af ógagnsæi og leyndarhyggju og Íbúahreyfingin krefst afsagnar þeirra bæjarfulltrúa sem stóðu að þessum ólöglegu samningum þegar í stað.

Jón Jósef Bjarnason, fulltrúi Íbúahreyfingarinnar í Mosfellsbæ.


Tillaga S-lista Samfylkingar.
Bæjarráði verði falið að gera tillögu að skriflegum verkferlum stjórnsýslunnar hvað varðar lögfræðileg álitamál og leggi fyrir bæjarstjórn til afgreiðslu. Verkferlarnir taki m.a. til lögfræðilegs mats á ákvörðunum og samþykktum áður en til þeirra kemur og þess að skyllt sé að leita lögfræðilegs álits, úrskurðar ráðuneytins eða ríkisstofnana, eftir eðli máls, ef um lögfræðileg álitamál er að ræða sem og venjur stjórnsýslunnar við stjórnsýsluákvarðanir.
Jónas Sigurðsson.

Fram kom málsmeðferðartillaga þess efnis að vísa tillögunni til bæjarráðs til meðferðar og var hún samþykkt með sex atkvæðum.


Tillaga íbúahreyfingarinnar.
Íbúahreyfingin leggur til að óháðir aðilar verði fengnir til þess að rannsaka viðskipti Mosfellsbæjar og Helgafellsbygginga ehf. Bæjarráði verði falið að útbúa nánari rannsóknarlýsingu.
Tillagan borin upp og felld með sex atkvæðum gegn einu atkvæði.

Erindið að öðru leyti lagt fram á 597. fundi bæjarstjórnar.
 
 2.2. 201211127 - Erindi UMFA vegna óska um lánafyrirgreiðslu
  Erindi UMFA vegna óska um lánafyrirgreiðslu vegna vangoldinna lífeyrisgreiðslna félagsins.
  Niðurstaða 1104. fundar Bæjarráðs Mosfellsbæjar
  Bæjarráð samþykkir, með þremur atkvæðum, fyrirframgreiðslu á styrk að að upphæð 5,6 mkr. til Ungmennafélagsins Aftureldingar vegna uppgjörs á launatengdum gjöldum sem félagið er í vanskilum með. Jafnframt lýsir bæjarráð yfir vonbrigðum með að mál þetta hafi farið í þann farveg sem raun ber vitni. Bæjarráð felur jafnframt bæjarstjóra og framkvæmdastjóra menningarsviðs að afla upplýsinga hjá Aftureldingu um hvaða ráðstafana félagið hefur gripið til að koma í veg fyrir misstök sem þessi. Enn fremur gerir bæjarráð það að skilyrði að upplýsingar um rekstarstöðu Aftureldingar komi formlegar og oftar til íþrótta- og tómstundanefndar, bæjarráðs og embættismanna, svo bæjaryfirvöld hafi skýrari mynd af rekstrarstöðu félagsins hverju sinni.
 
  Afgreiðsla þessa fundar:
  Afgreiðsla 1104. fundar bæjarráðs samþykkt á 597. fundi bæjarstjórnar með sjö atkvæðum.
 
 2.3. 201112127 - Erindi SSH vegna endurskoðunar á vatnsvernd fyrir höfuðborgarsvæðið
  Stýrihópur um endurskoðun vatnsverndar á höfuðborgarsvæðinu hefur mótað verklýsingu í samræmi við verkefnistillögu sem sveitarfélögin höfðu áður samþykkt og er óskað eftir afgreiðslu/afstöðu sveitarfélaganna á verklýsingunni.
  Niðurstaða 1104. fundar Bæjarráðs Mosfellsbæjar
  Samþykkt með þremur atkvæðum að vísa erindinu til skipulagsnefndar og umhverfisnefndar til umsagnar.
 
  Afgreiðsla þessa fundar:
  Afgreiðsla 1104. fundar bæjarráðs samþykkt á 597. fundi bæjarstjórnar með sjö atkvæðum.
 
 2.4. 201211206 - Framkvæmdasjóður vegna þjónustumiðstöðvar aldraðra
  Erindi Velferðarráðuneytisins sem er svar við erindi Mosfellsbæjar um aðilaskipti að umsókn um styrk úr Framkvæmdastjóði aldraðra.
  Niðurstaða 1104. fundar Bæjarráðs Mosfellsbæjar
  Erindi Velferðarráðuneytisins lagt fram.
 
  Afgreiðsla þessa fundar:
  Lagt fram á 597. fundi bæjarstjórnar.
 
 2.5. 201301113 - Umsókn um framlög úr Framkvæmdasjóði aldraðra árið 2013
  Í umsókninni til Framkvæmdastjóðs aldraðra sækir Mosfellsbær um framlag vegna breytinga á þjónustumiðstöð og dagdvöl aldraðra á Eirhömrum.
  Niðurstaða 1104. fundar Bæjarráðs Mosfellsbæjar
  Samþykkt með þremur atkvæðum að sækja um styrk úr Framkvæmdasjóði aldraðra.
 
  Afgreiðsla þessa fundar:
  Afgreiðsla 1104. fundar bæjarráðs samþykkt á 597. fundi bæjarstjórnar með sjö atkvæðum.
 
 2.6. 201212179 - Starfsreglur stjórnar SORPU bs
  Stjórn Sorpu bs. sendir Mosfellsbæ nýsamþykktar starfsreglur stjórnar Sorpu bs.
  Niðurstaða 1104. fundar Bæjarráðs Mosfellsbæjar
  Starfsreglur stórnar Sorpu bs. lagðar fram.
 
  Afgreiðsla þessa fundar:
  Lagt fram á 597. fundi bæjarstjórnar.
 
 2.7. 201212190 - Árshlutareikningur Skíðasvæða höfuðborgarsvæðisins
  Árshlutareikningur Skíðasvæða höfuðborgarsvæðisins vegna janúar til september 2012.
  Niðurstaða 1104. fundar Bæjarráðs Mosfellsbæjar
  Árshlutareikningurinn lagður fram.
 
  Afgreiðsla þessa fundar:
  Lagt fram á 597. fundi bæjarstjórnar.
 
 2.8. 201301037 - Umsókn um leyfi til búsetu í Bræðratungu Reykjahverfi
  Eigendur Bræðratungu við Hafravatnsveg óska eftir búsetuleyfi vegna fasteignarinnar og þar með lögheimilisskráningu.
  Niðurstaða 1104. fundar Bæjarráðs Mosfellsbæjar
  Samþykkt með þremur atkvæðum að vísa erindinu til umsagnar skipulagsnefndar.
 
  Afgreiðsla þessa fundar:
  Afgreiðsla 1104. fundar bæjarráðs samþykkt á 597. fundi bæjarstjórnar með sjö atkvæðum.
 
 2.9. 201301125 - Ósk um fjárhagsstyrk frá Mosfellsbæ fyrir árið 2013
  Knattspyrnufélagið Hvíti riddarinn óskar eftir rekstrarstyrk að upphæð kr. 500 þúsund krónur fyrir árið 2013.
  Niðurstaða 1104. fundar Bæjarráðs Mosfellsbæjar
  Samþykkt með þremur atkvæðum að vísa erindinu til íþrótta- og tómstundanefndar til umsagnar.
 
  Afgreiðsla þessa fundar:
  Afgreiðsla 1104. fundar bæjarráðs samþykkt á 597. fundi bæjarstjórnar með sjö atkvæðum.
 
 2.10. 201301126 - Uppbygging á lóðum í Bjarkarholti 1-9
  Alefli ehf. óskar eftir viðræðum við Mosfellsbæ um uppbyggingu lóða við Bjarkarholt 1, 3, 5, 7 og 9 samkvæmt deiliskipulagi miðbæjar.
  Niðurstaða 1104. fundar Bæjarráðs Mosfellsbæjar
  Samþykkt með þremur atkvæðum að fela bæjarstjóra að ræða við bréfritara.
 
  Afgreiðsla þessa fundar:
  Afgreiðsla 1104. fundar bæjarráðs samþykkt á 597. fundi bæjarstjórnar með sjö atkvæðum.
 
 2.11. 200506184 - Samstarf Mosfellsbæjar og Eirar um uppbyggingu öldrunarseturs í Mosfellsbæ
  Bæjarráðsmaður Jón Jósef Bjarnarson óskar eftir að leggja fram tillögu þessa efnis að bæjarstjórn fái fundargerðir stjórnar Eirar sendar til upplýsingar.
  Niðurstaða 1104. fundar Bæjarráðs Mosfellsbæjar
  Samþykkt með þremur atkvæðum að fela framkvæmdastjóra stjórnsýslusviðs að kanna hvort að fundargerðir stjórnar Eirar séu aðgengilegar bæjarstjórn Mosfellsbæjar.
 
  Afgreiðsla þessa fundar:
  Afgreiðsla 1104. fundar bæjarráðs samþykkt á 597. fundi bæjarstjórnar með sjö atkvæðum.
 
   
3.  201301016F - Bæjarráð Mosfellsbæjar - 1105
 Fundargerð 1105. fundar bæjarráðs lögð fram til afgreiðslu á 597. fundi bæjarstjórnar eins og einstök erindi bera með sér.
  
 3.1. 201107175 - Endurnýjun lóðarleigusamninga
  Byggingarfulltrúi Mosfellsbæjar óskar eftir leiðbeiningu bæjarráðs hvað varðar atriði er lúta að endurnýjun lóðarleigusamninga, í eldri hverfum bæjarins, sem eru að renna út.Áður á dagskrá 1098. fundar bæjarráðs þar sem byggingarfulltrúa og framkvæmdastjóra stjórnsýslusviðs var falið að vinna drög að reglum um endurnýjun.
  Niðurstaða 1105. fundar Bæjarráðs Mosfellsbæjar
  Samþykkt með þremur atkvæðum að fresta afgreiðslu erindisins og embættismönnum falið að rýna framlögð drög nánar.
 
  Afgreiðsla þessa fundar:
  Afgreiðsla 1105. fundar bæjarráðs samþykkt á 597. fundi bæjarstjórnar með sjö atkvæðum.
 
 3.2. 201212014 - Reglur um fjárhagsaðstoð, endurskoðun 2012
  Erindið sett á dagskrá bæjarráðs í samræmi við umræðum á 596. fundi bæjarstjórnar.
  Niðurstaða 1105. fundar Bæjarráðs Mosfellsbæjar
  Framkvæmdastjóri fjölskyldusviðs Unnur V. Ingólfsdóttir (UVI) mætti á fundinn undir þessum dagskrárlið.Framkvæmdastjórinn fór yfir og útskýrði nánar helstu breytingar sem gerðar voru á reglunum við endurskoðun þeirra og tóku gildi 1. janúar síðast liðinn.
 
  Afgreiðsla þessa fundar:
  Lagt fram á 597. fundi bæjarstjórnar.
 
 3.3. 201301235 - Erindi Lögreglustjóra, varðandi umsögn um tímabundið áfengisveitingaleyfi vegna þorrablóts
  Handknattleiksdeild Aftureldingar sækir um tímabundið áfengisveitingaleyfi vegna þorrablóts Aftureldingar 26. janúar 2013.
  Niðurstaða 1105. fundar Bæjarráðs Mosfellsbæjar
  Samþykkt með þremur atkvæðum að bæjarráð Mosfellsbæjar geri ekki fyrir sitt leiti athugasemd við tímabundið áfengisveitingaleyfi vegna þorrablóts Aftureldingar.
 
  Afgreiðsla þessa fundar:
  Afgreiðsla 1105. fundar bæjarráðs samþykkt á 597. fundi bæjarstjórnar með sjö atkvæðum.
 
 3.4. 201301293 - NORDDJOBB sumarstörf 2013
  NORDJOBB óskar eftir því við Mosfellsbæ að bærinn ráði tvö ungmenni til starfa sumarið 2013.
  Niðurstaða 1105. fundar Bæjarráðs Mosfellsbæjar
  Samþykkt með þremur atkvæðum að synja erindinu.
 
  Afgreiðsla þessa fundar:
  Afgreiðsla 1105. fundar bæjarráðs samþykkt á 597. fundi bæjarstjórnar með sjö atkvæðum.
 
 3.5. 201301320 - Stefna Þórarins Jónassonar varðandi landamerki Lækjarness
  Stefna Þórarins Jónassonar varðandi landamerki Lækjarness í Mosfellsdal þar sem gerð er krafa um breytt mörk landsins.
  Niðurstaða 1105. fundar Bæjarráðs Mosfellsbæjar
  Erindið lagt fram til kynningar.
 
  Afgreiðsla þessa fundar:
  Lagt fram á 597. fundi bæjarstjórnar.
 
 3.6. 201301321 - Stefna Þórarins Jónassonar vegna landamerkja Laxness 1
  Stefna Þórarins Jónassonar varðandi landamerki jarðarinnar Laxness 1 í Mosfellsdal þar sem gerð er krafa um breytt mörk jarðarinnar gagnvart nágrannajörðum.
  Niðurstaða 1105. fundar Bæjarráðs Mosfellsbæjar
  Erindið lagt fram til kynningar.
 
  Afgreiðsla þessa fundar:
  Lagt fram á 597. fundi bæjarstjórnar.
 
 3.7. 201301346 - XXVII. Landsþing Sambands íslenskra sveitarfélaga 2013
  Kosning aðalmanns á Landsþing Sambands íslenskra sveitarfélaga í stað Herdísar Sigurjónsdóttur fyrrv. bæjarfulltrúa.
  Niðurstaða 1105. fundar Bæjarráðs Mosfellsbæjar
  Kosningu aðalmanns á Landsþing Sambands íslenskra sveitarfélaga vísað til bæjarstjórnar.
 
  Afgreiðsla þessa fundar:
  Lagt fram á 597. fundi bæjarstjórnar. Til sérstakrar afgreiðslu síðar á 597. fundi.
 
 3.8. 201202115 - Viðaukar við fjárhagsáætlun 2012
  Fjármálastjóri leggur fyrir bæjarráð til samþykktar viðauka við fjárahagsáætlun ársins 2012 í samræmi við fyrri samþykktir bæjarráðs og bæjarstjórnar.
  Niðurstaða 1105. fundar Bæjarráðs Mosfellsbæjar
  Samþykkt með þremur atkvæðum viðauki við fjárhagsáætlun 2012 vegna aukinna fjárfestinga Eignasjóðs:Breyting á sjóðsstreymi Aðalsjóðs:Eignarhlutir í félögum hækka um kr. 29.656.000.Skammtímaskuldir hækka um kr. 29.656.000.Áhrif á efnahagsreikning Aðalsjóðs:Eignarhlutir í félögum hækka um kr. 29.656.000.Skammtímaskuldir hækka um kr. 29.656.000.Framangreindar breytingar hafa í för með sér samsvarandi breytingar hjá sveitarsjóði A hluta og samanteknum A og B hluta.
 
  Afgreiðsla þessa fundar:
  Afgreiðsla 1105. fundar bæjarráðs samþykkt á 597. fundi bæjarstjórnar með sjö atkvæðum.
 
 3.9. 201011056 - Málefni lýðræðisnefndar - Lýðræðisstefna
  590. fundur bæjarstjórnar vísaði birtingu upplýsinga úr bókhaldi bæjarins til umsagnar fjármálastjóra og forstöðumanns þjónustu- og upplýsingamála.
  Niðurstaða 1105. fundar Bæjarráðs Mosfellsbæjar
  Fyrirliggjandi drög að birtingu upplýsinga úr bókhaldi bæjarins á vef bæjarfélagsins samþykkt með þremur atkvæðum.
 
  Afgreiðsla þessa fundar:
  Afgreiðsla 1105. fundar bæjarráðs samþykkt á 597. fundi bæjarstjórnar með sjö atkvæðum.
 
 3.10. 201212071 - Erindi Alþingis varðandi umsögn um frumvarp til laga um tekjustofna sveitarfélaga
  1102. fundur bæjarráðs óskaði umsagnar fjármálastjóra um frumvarp til laga um tekjustofna og liggur umsögnin fyrir fundinum.
  Niðurstaða 1105. fundar Bæjarráðs Mosfellsbæjar
  Erindið lagt fram.
 
  Afgreiðsla þessa fundar:
  Lagt fram á 597. fundi bæjarstjórnar.
 
   
4.  201301012F - Fjölskyldunefnd Mosfellsbæjar - 200
 Fundargerð 200. fundar fjölskyldunefndar lögð fram til afgreiðslu á 597. fundi bæjarstjórnar eins og einstök erindi bera með sér.
  
 4.1. 201301059 - Erindi velferðarráðuneytisins þar sem kynntar eru breytingar á reglum um endurgreiðslu á fjárhagsaðstoð sem sveitarfélög veita erlendum ríkisborgurum utan EES
  Erlendir ríkisborgarar utan EES og reglur um fjárhagsaðstoð.
  Niðurstaða 200. fundar Fjölskyldunefndar Mosfellsbæjar
  Reglurnar eru lagðar fram á fundinum.
 
  Afgreiðsla þessa fundar:
  Lagt fram á 597. fundi bæjarstjórnar.
 
 4.2. 201301120 - Afrit af úrskurðum og dómum tengdum barnavernd Mosfellsbæjar
  Barnaverndarstofa óskar eftir afriti af úrskurðum og dómum tengdum barnavernd Mosfellsbæjar.
  Niðurstaða 200. fundar Fjölskyldunefndar Mosfellsbæjar
  Erindið er lagt fram. Fjölskyldunefnd óskar eftir eftir því að samantektin verði lögð frma til kynningar.
 
  Afgreiðsla þessa fundar:
  Lagt fram á 597. fundi bæjarstjórnar.
 
 4.3. 201301222 - Starfsáætlun fjölskyldunefndar árið 2013
  Starfsáætlun fjölskyldunefndar árið 2013 sbr. bókun 594. Bæjarstjórnarfundar frá 21. nóvember 2012 í máli nr. 201205141-Fjárhagsáætlun Mosfellsbæjar 2013-2016 þar sem samþykkt var að í upphafi árs verði gerð áætlun um fundartíma og niðurröðun fastra verkefna ársins.
  Niðurstaða 200. fundar Fjölskyldunefndar Mosfellsbæjar
  Drög að starfsáætlun fjölskyldunefndar árið 2013 lögð fram. Fjölskyldunefnd samþykkir framlögð drög.Þórður Björn Sigurðsson vék af fundi að lokinni umfjöllun málsins.
 
  Afgreiðsla þessa fundar:
  Til máls tóku: JS og BH.
  Afgreiðsla 200. fundar fjölskyldunefndar samþykkt á 597. fundi bæjarstjórnar með sjö atkvæðum.
 
 4.4. 201212012F - Trúnaðarmálafundur - 756
  Trúnaðarmálafundur-afgreiðsla fundar.
  Niðurstaða 200. fundar Fjölskyldunefndar Mosfellsbæjar
  Fundargerð 756. fundar trúnaðarmálafundar lögð fram til kynningar á 200. fundi fjölskyldunefndar eins og einstök erindi bera með sér.
 
  Afgreiðsla þessa fundar:
  Lagt fram á 597. fundi bæjarstjórnar.
 
 4.5. 201212016F - Trúnaðarmálafundur - 757
  Trúnaðarmálafundur-afgreiðsla fundar.
  Niðurstaða 200. fundar Fjölskyldunefndar Mosfellsbæjar
  Fundargerð 757. trúnaðarmálafundar lögð fram til kynningar á 200. fundi fjölskyldunefndar eins og einstök erindi bera með sér.
 
  Afgreiðsla þessa fundar:
  Lagt fram á 597. fundi bæjarstjórnar.
 
 4.6. 201301004F - Trúnaðarmálafundur - 758
  Trúnaðarmál-afgreiðsla fundar.
  Niðurstaða 200. fundar Fjölskyldunefndar Mosfellsbæjar
  Fundargerð 757. trúnaðarmálafundar lögð fram til kynningar á 200. fundi fjölskyldunefndar eins og einstök erindi bera með sér.
 
  Afgreiðsla þessa fundar:
  Lagt fram á 597. fundi bæjarstjórnar.
 
 4.7. 201212017F - Barnaverndarmálafundur - 223
  Barnaverndarmálafundur-afgreiðsla fundar.
  Niðurstaða 200. fundar Fjölskyldunefndar Mosfellsbæjar
  Fundargerð 223. barnaverndarmálafundar lögð fram til kynningar á 200. fundi fjölskyldunefndar eins og einstök erindi bera með sér.
 
  Afgreiðsla þessa fundar:
  Lagt fram á 597. fundi bæjarstjórnar.
 
 4.8. 201301010F - Barnaverndarmálafundur - 224
  Barnaverndarmálafundur-afgreiðsla fundar.
  Niðurstaða 200. fundar Fjölskyldunefndar Mosfellsbæjar
  Fundargerð 224. barnaverndarmálafundar lögð fram til kynningar á 200. fundi fjölskyldunefndar eins og einstök erindi bera með sér.
 
  Afgreiðsla þessa fundar:
  Lagt fram á 597. fundi bæjarstjórnar.
 
 4.9. 201212063 - Beiðni um úttekt vegna umsóknar um að gerast stuðningsfjölskylda
  Úttekt á stuðningsfjölskyldu mál tekið fyrir.
  Niðurstaða 200. fundar Fjölskyldunefndar Mosfellsbæjar
  Málinu vísað til fjölskyldunefndar til afgreiðslu.Niðurstaða fjölskyldunefndar samkvæmt bókun í málinu.
 
  Afgreiðsla þessa fundar:
  Lagt fram á 597. fundi bæjarstjórnar.
 
 4.10. 201301011F - Trúnaðarmálafundur - 759
  Trúnaðarmálafundur-afgreiðsla.
  Niðurstaða 200. fundar Fjölskyldunefndar Mosfellsbæjar
  Fundargerð 759. trúnaðarmálafundar lögð fram til kynningar á 200. fundi fjölskyldunefndar eins og einstök erindi bera með sér.
 
  Afgreiðsla þessa fundar:
  Lagt fram á 597. fundi bæjarstjórnar.
 
 4.11. 201212162 - Félagsleg heimaþjónusta
  Heimaþjónusta - afgreiðsla umsóknar
  Niðurstaða 200. fundar Fjölskyldunefndar Mosfellsbæjar
  Málinu vísað til fjölskyldunefndar til afgreiðslu.Niðurstaða fjölskyldunefndar samkvæmt bókun í málinu.
 
  Afgreiðsla þessa fundar:
  Lagt fram á 597. fundi bæjarstjórnar.
 
 4.12. 201212219 - Fjárhagsaðstoð
  Fjárhagsaðstoð - afgreiðsla umsóknar
  Niðurstaða 200. fundar Fjölskyldunefndar Mosfellsbæjar
  Málinu vísað til fjölskyldunefndar til afgreiðslu.Niðurstaða fjölskyldunefndar samkvæmt bókun í málinu.
 
  Afgreiðsla þessa fundar:
  Lagt fram á 597. fundi bæjarstjórnar.
 
 4.13. 201212178 - Fjárhagsaðstoð
  Fjárhagsaðstoð - afgreiðsla umsóknar
  Niðurstaða 200. fundar Fjölskyldunefndar Mosfellsbæjar
  Málinu vísað til fjölskyldunefndar til afgreiðslu.Niðurstaða fjölskyldunefndar samkvæmt bókun í málinu.
 
  Afgreiðsla þessa fundar:
  Lagt fram á 597. fundi bæjarstjórnar.
 
 4.14. 201211257 - Fjárhagsaðstoð
  Fjárhagsaðstoð - afgreiðsla umsóknar
  Niðurstaða 200. fundar Fjölskyldunefndar Mosfellsbæjar
  Málinu vísað til fjölskyldunefndar til afgreiðslu.Niðurstaða fjölskyldunefndar samkvæmt bókun í málinu.
 
  Afgreiðsla þessa fundar:
  Lagt fram á 597. fundi bæjarstjórnar.
 
 4.15. 201211223 - Fjárhagsaðstoð
  Fjárhagsaðstoð - afgreiðsla umsóknar.
  Niðurstaða 200. fundar Fjölskyldunefndar Mosfellsbæjar
  Málinu vísað til fjölskyldunefndar til afgreiðslu.Niðurstaða fjölskyldunefndar samkvæmt bókun í málinu.
 
  Afgreiðsla þessa fundar:
  Lagt fram á 597. fundi bæjarstjórnar.
 
 4.16. 201110275 - Félagslegar íbúðir
  Félagslegar íbúðir-afgreiðsla.Gögn í máli verða lögð fram á fundinum.
  Niðurstaða 200. fundar Fjölskyldunefndar Mosfellsbæjar
  Málinu vísað til fjölskyldunefndar til afgreiðslu.Niðurstaða fjölskyldunefndar samkvæmt bókun í málinu.
 
  Afgreiðsla þessa fundar:
  Lagt fram á 597. fundi bæjarstjórnar.
 
 4.17. 201301347 - Barnaverndarmál 10.5
  Barnaverndarmál-afgreiðsla máls.
  Niðurstaða 200. fundar Fjölskyldunefndar Mosfellsbæjar
  Niðurstaða fjölskyldunefndar samkvæmt bókun í málinu.
 
  Afgreiðsla þessa fundar:
  Lagt fram á 597. fundi bæjarstjórnar.
 
   
5.  201301015F - Íþrótta- og tómstundanefnd Mosfellsbæjar - 167
 Fundargerð 167. fundar íþrótta- og tómstundanefndar lögð fram til afgreiðslu á 597. fundi bæjarstjórnar eins og einstök erindi bera með sér.
  
 5.1. 201301367 - Kjör íþróttakarls og íþróttakonu Mosfellsbæjar 2012
  Umræða um val á íþróttakarli og íþróttakonu ársins 2012.
  Niðurstaða 167. fundar Íþrótta- og tómstundanefndar Mosfellsbæjar
  Kjör íþróttakarls og íþróttakonu ársins 2012 verður kynnt 24. janúar, kl. 19:00 og fer fram í Íþróttahúsinu að Varmá.
 
  Afgreiðsla þessa fundar:
  Til máls tóku: KGÞ, BH og HSv.
  Lagt fram á 597. fundi bæjarstjórnar.
 
 5.2. 201301125 - Ósk um fjárhagsstyrk frá Mosfellsbæ fyrir árið 2013
  Knattspyrnufélagið Hvíti riddarinn óskar eftir rekstrarstyrk að upphæð kr. 500 þúsund krónur fyrir árið 2013.Bæjarráð vísar erindinu til umsagnar íþrótta- og tómstundanefndar.
  Niðurstaða 167. fundar Íþrótta- og tómstundanefndar Mosfellsbæjar
  Umsögn vísað til bæjarráðs.
 
  Afgreiðsla þessa fundar:
  Lagt fram á 597. fundi bæjarstjórnar.
 
 5.3. 201301368 - Starfsáætlun íþrótta- og tómstundanefndar 2013
  Farið yfir drög að áætlun um starfsáætlun nefndarinnar 2013.
  Niðurstaða 167. fundar Íþrótta- og tómstundanefndar Mosfellsbæjar
  Drög að starfsáætlun lögð fram og mun nýtast sem beinagrind að starfi nefndarinnar árið 2013.
 
  Afgreiðsla þessa fundar:
  Lagt fram á 597. fundi bæjarstjórnar.
 
 5.4. 200906129 - Stefnumótun á íþrótta- og tómstundasviði
  Til umfjöllunar er stefnumótun í íþrótta- og tómstundamálum og lögð drög að framkvæmd hennar.
  Niðurstaða 167. fundar Íþrótta- og tómstundanefndar Mosfellsbæjar
  Nefndin ræddi um gerð afreksstefnu og tómstundabandalag. Jafnframt var farið yfir helstu áhersluatriði í nýrri stefnu og felur íþróttafulltrúa og tómstundafulltrúa að taka saman yfirlit yfir þessi atriði.
 
  Afgreiðsla þessa fundar:
  Afgreiðsla 167. fundar íþrótta- og tómstundanefndar samþykkt á 597. fundi bæjarstjórnar með sjö atkvæðum.
 
   
6.  201301013F - Skipulagsnefnd Mosfellsbæjar - 334
 Fundargerð 334. fundar skipulagsnefndar lögð fram til afgreiðslu á 597. fundi bæjarstjórnar eins og einstök erindi bera með sér.
  
 6.1. 201210270 - Hjóla- og göngustígar í Reykja- og Teigahverfi
  Lagt fram minnisblað framkvæmdastjóra Umhverfissviðs dags. 3.12.2012, þar sem m.a. er lagt til að unnið verði deiliskipulag fyrir stíg meðfram Varmá sem verði grundvöllur aðgerða til endurbóta. Frestað á 333. fundi.
  Niðurstaða 334. fundar Skipulagsnefndar Mosfellsbæjar
  Skipulagsnefnd tekur undir þær ábendingar sem fram koma í minnispunktunum og óskar eftir að unnið verði áfram að málinu í samræmi við þá.
 
  Afgreiðsla þessa fundar:
  Afgreiðsla 334. fundar skipulagsnefndar samþykkt á 597. fundi bæjarstjórnar með sjö atkvæðum.
 
 6.2. 201211123 - Íbúafundur í Leirvogstungu, 8. nóv. 2012
  Greint frá því sem fram fór á fundi með íbúum Leirvogstunguhverfis 8. nóvember s.l. um málefni hverfisins. Frestað á 333. fundi.
  Niðurstaða 334. fundar Skipulagsnefndar Mosfellsbæjar
  Lagt fram til kynningar.
 
  Afgreiðsla þessa fundar:
  Lagt fram á 597. fundi bæjarstjórnar.
 
 6.3. 201204069 - Kortlagning umferðarhávaða og gerð aðgerðaáætlana
  Lögð fram og kynnt hljóðkort fyrir Mosfellsbæ ásamt greinargerð, sem unnin hafa verið í samræmi við hávaðatilskipun ESB frá árinu 2002 og reglugerð nr. 1000/2005. Gögnin voru samþykkt í bæjarstjórn 21.11.2012 og hafa verið send Umhverfisstofnun. Frestað á 333. fundi.
  Niðurstaða 334. fundar Skipulagsnefndar Mosfellsbæjar
  Lagt fram til kynningar.
 
  Afgreiðsla þessa fundar:
  Lagt fram á 597. fundi bæjarstjórnar.
 
 6.4. 201210078 - Ályktun fundar bekkjafulltrúa við Varmárskóla
  Lögð fram umsögn framkvæmdastjóra umhverfissviðs dags. 30.11.2012 um ályktun bekkjafulltrúa við Varmárskóla, sem m.a. fjallaði um lýsingu á gönguleiðum við skólann o.fl. Frestað á 333. fundi.
  Niðurstaða 334. fundar Skipulagsnefndar Mosfellsbæjar
  Fram kom að farið hefur verið yfir mál tengd lýsingu á svæðinu. Nefndin bendir á að nú er unnið að deiliskipulagningu Varmárskólasvæðisins samanber næsta mál fundarins. Að öðru leyti lagt fram til kynningar.
 
  Afgreiðsla þessa fundar:
  Lagt fram á 597. fundi bæjarstjórnar.
 
 6.5. 200803137 - Deiliskipulag Varmárskólasvæðis
  Kynnt staða vinnu að deiliskipulagi Varmárskólasvæðis. Lögð fram eldri tillaga að deiliskipulagi og tvær nýjar tillögur að fyrirkomulagi gönguleiða, biðstöðvar strætó, gatna og bílastæða, unnar af Þráni Haukssyni hjá Landslagi ehf.
  Niðurstaða 334. fundar Skipulagsnefndar Mosfellsbæjar
  Skipulagsnefnd samþykkir að tillögurnar verði kynntar fyrir ungmenna- og skólaráðum.
 
  Afgreiðsla þessa fundar:
  Til máls tóku: JS, BH og HP.
  Afgreiðsla 334. fundar skipulagsnefndar samþykkt á 597. fundi bæjarstjórnar með sjö atkvæðum. Jafnframt samþykkt að kynna tillöguna í fræðslunefnd, umhverfisnefnd og íþrótta- og tómstundanefnd.
 
 6.6. 200611011 - Aðalskipulag 2011-2030, endurskoðun á AS 2002-2024
  Lagt fram bréf svæðisskipulagsnefndar dags. 4.1.2013 um drög að aðalskipulagi Mosfellsbæjar 2011-2030, þar sem fram kemur að nefndin fellst á umsögn fagráðs sem gerir ekki athugasemdir við drögin og telur að þau séu í samræmi við svæðisskipulag höfuðborgarsvæðisins. Einnig lagðir fram endurskoðaðir uppdrættir, þ.e. þéttbýlis- og sveitarfélagsuppdrættir og tillaga að breytingum á greinargerð vegna athugasemda Skipulagsstofnunar, sbr. bókun á 332. fundi.
  Niðurstaða 334. fundar Skipulagsnefndar Mosfellsbæjar
  Skipulagsnefnd leggur til við bæjarstjórn að hún samþykki tillögu að aðalskipulagi Mosfellsbæjar 2011 - 2030 svo breytta til auglýsingar samkvæmt 31. grein skipulagslaga nr. 123/2010. Nefndin leggur til að auk lögboðinnar kynningar í formi auglýsingar verði haldinn borgarafundur um tillöguna á auglýsingartímanum, og felur starfsmönnum að undirbúa slíkan fund.
 
  Afgreiðsla þessa fundar:
  Til máls tóku: KGÞ og BH.
  Að tillögu skipulagsnefndar, samþykkir bæjarstjórn með sjö atkvæðum fyrirliggjandi tillögu að aðalskipulagi Mosfellsbæjar 2011 - 2030, svo breytta, til auglýsingar samkvæmt 31. grein skipulagslaga nr. 123/2010. Einnig samþykkt að auk lögboðinnar kynningar í formi auglýsingar verði haldinn borgarafundur um tillöguna á auglýsingartímanum, og felur starfsmönnum að undirbúa slíkan fund.
 
 6.7. 201105059 - Endurskoðun Aðalskipulags Kópavogs 2012-2024
  Birgir H Sigurðsson sendir 3. janúar 2013 f.h. Kópavogsbæjar tillögu að aðalskipulagi Kópavogs 2012-2024 til umsagnar í samræmi við 2. mgr. 30. gr. skipulagslaga. Tillagan samanstendur af uppdrætti, ódagsettum, og greinargerð dags. 12.12.2012. Óskað er eftir að umsögn liggi fyrir eigi síðar en 3. febrúar 2013.
  Niðurstaða 334. fundar Skipulagsnefndar Mosfellsbæjar
  Umræður um málið. Nefndin felur skipulagsfulltrúa að semja drög að umsögn og leggja fyrir næsta fund.
 
  Afgreiðsla þessa fundar:
  Afgreiðsla 334. fundar skipulagsnefndar samþykkt á 597. fundi bæjarstjórnar með sjö atkvæðum.
 
 6.8. 201112127 - Erindi SSH vegna endurskoðunar á vatnsvernd fyrir höfuðborgarsvæðið
  Lagt fram erindi SSH dags. 21.12.2012 þar sem óskað er eftir að Mosfellsbær taki afstöðu til meðfylgjandi tillögu að verklýsingu fyrir heildarendurskoðun vatnsverndar á höfuðborgarsvæðinu. Bæjarráð óskar umsagnar skipulagsnefndar um erindið.
  Niðurstaða 334. fundar Skipulagsnefndar Mosfellsbæjar
  Frestað.
 
  Afgreiðsla þessa fundar:
  Lagt fram á 597. fundi bæjarstjórnar.
 
 6.9. 201205160 - Litlikriki 3 og 5, umsókn um að breyta parhúsum í fjórbýli
  Tillaga að breytingu á deiliskipulagi var grenndarkynnt 5. desember 2012 með athugasemdafresti til og með 4. janúar 2013.Fimm athugasemdir bárust: Frá Jóni Hauki Stefánssyni og Guðrúnu Halldórsdóttur Litlakrika 47 dags. 1.1.2013; frá Guðbjörgu Leifsdóttur og Óskari Jóhanni Sigurðssyni Litlakrika 45 dags. 4.1.2013; frá Aðalsteini Jónssyni og Júlíönu G. Þórðardóttur Litlakrika 7 dags. 3.1.2013; frá Lóu Ólafsdóttur og Sigurði Rúnari Magnússyni Litlakrika 14 dags. 4.1.2013 og frá Þórunni Jónsdóttur og Enes Cogic Litlakrika 10 dags. 4.1.2013.
  Niðurstaða 334. fundar Skipulagsnefndar Mosfellsbæjar
  Frestað.
 
  Afgreiðsla þessa fundar:
  Lagt fram á 597. fundi bæjarstjórnar.
 
 6.10. 200607122 - Gatnagerð Reykjahvoli og Bjargslundi
  Greint verður frá fundi sem haldinn var 9.1.2013 með eigendum landa og lóða við Reykjahvol þar sem rædd voru málefni varðandi skipulag og framkvæmdir.
  Niðurstaða 334. fundar Skipulagsnefndar Mosfellsbæjar
  Frestað.
 
  Afgreiðsla þessa fundar:
  Lagt fram á 597. fundi bæjarstjórnar.
 
 6.11. 201301037 - Umsókn um leyfi til búsetu í Bræðratungu Reykjahverfi
  Eigendur Bræðratungu við Hafravatnsveg óska 2.1.2013 eftir leyfi til búsetu og þar með til skráningar lögheimilis í húsinu, sem er skráð sem sumarhús. Vísað til umsagnar skipulagsnefndar af bæjarráði 10.1.2013.
  Niðurstaða 334. fundar Skipulagsnefndar Mosfellsbæjar
  Frestað.
 
  Afgreiðsla þessa fundar:
  Lagt fram á 597. fundi bæjarstjórnar.


 
 7.  201212018F - Þróunar- og ferðamálanefnd - 31
 Fundargerð 31. fundar þróunar- og ferðamálanefndar lögð fram til afgreiðslu á 597. fundi bæjarstjórnar eins og einstök erindi bera með sér.
  
 7.1. 200903248 - Heilsuvin Mosfellsbæjar
  Aðilar úr stjórn Heilsuvinjar kynna starfsemi félagsins, stöðu og framtíðarsýn.
  Niðurstaða 31. fundar Þróunar- og ferðamálanefndar
  Sævar Kristinsson hélt kynningu á tilurð og starfsemi Heilsuvinjar
 
  Afgreiðsla þessa fundar:
  Lagt fram á 597. fundi bæjarstjórnar.
 
 7.2. 201208024 - Heilsueflandi samfélag
  Aðilar frá Heilsuvin koma og kynna fyrir nefndinni stöðu verkefnisins og hvernig þeir sjá fyrir sér að það verði unnið á árinu.
  Niðurstaða 31. fundar Þróunar- og ferðamálanefndar
  Ólöf Sívertsen, Lýðheilsufræðingur, hélt kynningu á verkefninu Heilsueflandi samfélag
 
  Afgreiðsla þessa fundar:
  Lagt fram á 597. fundi bæjarstjórnar..
 
 7.3. 201203083 - Þróunar- og nýsköpunarviðurkenning Mosfellsbæjar
  Afhending viðurkenninga þannn 15.janúar. Aðkoma nefndarinnar að athöfn í Listasal.
  Niðurstaða 31. fundar Þróunar- og ferðamálanefndar
  Nefndarmenn afhenda viðurkenningar með formanni.
 
  Afgreiðsla þessa fundar:
  Lagt fram á 597. fundi bæjarstjórnar.

Bæjarstjórn óskar vinningshöfum til hamingju með nýsköpunarviðurkenningu bæjarins og þakkar öllum sem tóku þátt.
 
 7.4. 201109430 - Verkefni og starfsáætlun þróunar- og ferðamálanefndar árið 2013
  Starfsáætlun fyrir árið 2013 og áætlun um tímasetningar á fundum árið 2013
  Niðurstaða 31. fundar Þróunar- og ferðamálanefndar
  Starfsáætlun fyrir árið 2013 lögð fram.
 
  Afgreiðsla þessa fundar:
  Lagt fram á 597. fundi bæjarstjórnar.


 
 8.  201301014F - Afgreiðslufundur byggingarfulltrúa - 223
 Fundargerð 223. afgreiðslufundar byggingarfulltrúa sem haldinn var 11. janúar 2013.
 Fundargerð 223. afgreiðslufundar byggingarfulltrúa lögð fram til kynningar á 597. fundi bæjarstjórnar eins og einstök erindi bera með sér.
  
 8.1. 201212171 - Álafossvegur 23, umsókn um byggingarleyfi
  Húsfélagið Álafossvegi 23 Mosfellsbæ sækir um leyfi til að breyta innra fyrirkomulagi og byggja svalir á 2. hæð hússins nr. 23 við Álafossveg samkvæmt framlögðum gögnum.Heildarstærðir hússins breytast ekki.
  Niðurstaða 223. fundar Afgreiðslufundar byggingarfulltrúa
  Samþykkt.
 
  Afgreiðsla þessa fundar:
  Afgreiðsla 223. afgreiðslufundar byggingarfulltrúa lögð fram til kynningar á 597. fundi bæjarstjórnar.
 
 8.2. 201212094 - Jónstótt, umsókn um byggingarleyfi
  Sigrún Magnúsdóttir Simmons Jónstótt Mosfellsbæ sækir um leyfi til að loka eldvarnahurð með EI60 vegg milli brunaeininga í áðursamþykktu húsi að Jónstótt.Stærðir húss breytast ekki.
  Niðurstaða 223. fundar Afgreiðslufundar byggingarfulltrúa
  Samþykkt.
 
  Afgreiðsla þessa fundar:
  Afgreiðsla 223. afgreiðslufundar byggingarfulltrúa lögð fram til kynningar á 597. fundi bæjarstjórnar.
 
 8.3. 201212170 - Kvíslartunga 19, umsókn um byggingarleyfi
  Þórður Ásmundsson Norðurtúni 14 Hafnarfirði sækir um leyfi til að breyta innra fyrirkomulagi hússins nr. 19 við Kvíslartungu samkvæmt framlögðum gögnum.Heildarstærðir húsins breytast ekki.
  Niðurstaða 223. fundar Afgreiðslufundar byggingarfulltrúa
  Samþykkt.
 
  Afgreiðsla þessa fundar:
  Afgreiðsla 223. afgreiðslufundar byggingarfulltrúa lögð fram til kynningar á 597. fundi bæjarstjórnar.
 
 9.  201212217 - Fundargerð 117. fundar Slökkviliðs höfuðborgarsvæðisins
 Fundargerð 117. fundar Slökkviliðs höfuðborgarsvæðisins sem haldinn var 21. desember 2012.
 Til máls tóku: HSv.
 Fundargerðin lögð fram á 597. fundi bæjarstjórnar.
   
10.  201212157 - Fundargerð 309. fundar Sorpu bs.
 Fundargerð 309. fundar Sorpu bs. sem haldinn var 14. desember 2012.
 Fundargerðin lögð fram á 597. fundi bæjarstjórnar.
   
11.  201301433 - Fundargerð 310. fundar Sorpu bs.
 Fundargerð 310. fundar Sorpu bs. sem haldinn var 7. janúar 2013.
 Fundargerðin lögð fram á 597. fundi bæjarstjórnar.
   
12.  201301434 - Fundargerð 311. fundar Sorpu bs.
 Fundargerð 311. fundar Sorpu bs. sem haldinn var 14. janúar 2013.
 Fundargerðin lögð fram á 597. fundi bæjarstjórnar.
   
13.  201301047 - Fundargerð 31. fundar Svæðisskipulagsnefndar Samtaka sveitarfélaga höfuðborgarsvæðisins
 Fundargerð 31. fundar Svæðisskipulagsnefndar höfuðborgarsvæðisins sem haldinn var 21. desember 2012.
 Fundargerðin lögð fram á 597. fundi bæjarstjórnar.
   
14.  201301439 - Fundargerð 32. fundar Svæðisskipulagsnefndar höfuðborgarsvæðisins
 Fundargerð 32. fundar Svæðisskipulagsnefndar höfuðborgarsvæðisins sem haldinn var 11. janúar 2013.
 Til máls tóku: BH og HP.
 Fundargerðin lögð fram á 597. fundi bæjarstjórnar.
   
15.  201212216 - Fundargerð 328. fundar Skíðasvæða höfuðborgarsvæðisins
 Fundargerð 328. fundar stjórnar Skíðasvæða höfuðborgarsvæðisins sem haldinn var 17. desember 2012.
 Til máls tóku: JS og HSv.
 Fundargerðin lögð fram á 597. fundi bæjarstjórnar.
   
16.  201212169 - Fundargerð 802. fundar Sambands íslenskra sveitarfélaga
 Fundargerð 802. fundar Sambands íslenskra sveitarfélaga sem haldinn var 12. desember 2012.
 Fundargerðin lögð fram á 597. fundi bæjarstjórnar.
   
17.  201301346 - XXVII. Landsþing Sambands íslenskra sveitarfélaga 2013
 Kosning aðalmanns á Landsþing Sambands íslenskra sveitarfélaga, sem haldið verður í mars nk., í stað Herdísar Sigurjónsdóttur fyrrv. bæjarfulltrúa.
 Til máls tóku: BH og HSv.
 
 Niðurstaða
 Fram kom tilnefning um Bryndísi Haraldsdóttur sem aðalmann á Landsþing Sambands íslenskra sveitarfélaga í stað Herdísar Sigurjónsdóttur sem látið hefur af störfum í bæjarstjórn og Hafstein Pálsson sem varamann í stað Bryndísar Haraldsdóttur sem með þessari tilnefningu verður aðalmaður.
Fleiri tilnefningar komu ekki fram og telst tilnefningin því samþykkt samhljóða.
   

Fleira ekki gert. Fundi slitið kl. 19:10

 

Til baka