Kjör íþróttakonu og íþróttakarls Mosfellsbæjar fór fram við hátíðlega athöfn á veitingastaðnum Blik miðvikudaginn 6. janúar 2021 í beinni útsendingu í gegnum Youtube. Þetta var í 29. skipti sem við heiðrum okkar besta og efnilegasta íþróttafólk í Mosfellsbæ. Að þessu sinni voru 13 konur og 16 karlar tilnefnd til kjörsins og hafa aldrei verið fleiri.

Þrettándahátíðarhöld í Mosfellsbæ hafa alltaf verið stór í sniðum en verða lágstemmdari í ár. Hefðbundin skrúðganga, lúðrablástur, bálköstur, álfadans og tónlistaratriði bíða betri tíma.

Vegna gildandi samkomutakmarkana verða jólin ekki kvödd með hefðbundnum þrettándahátíðarhöldum í Mosfellsbæ í ár. Björgunarsveitin Kyndill sér þó um glæsilega flugeldasýningu. Skotið er af Lágafelli og ætti sýningin að njóta sín sem víðast. Sýningin hefst kl. 20:00 miðvikudaginn 6. janúar.

Miðvikudaginn 6. janúar kl. 17:00 verður bein útsending frá kjöri íþróttakonu og íþróttakarls Mosfellsbæjar 2020. Hægt verður að fylgjast með útsendingunni á YouTube.

Meistaraflokkur handknattleiksdeildar Aftureldingar mun aðstoða íbúa við að losa sig við jólatré sín eftir jólahátíðina. Ekið verður um bæinn og jólatré hirt sem sett hafa verið út fyrir lóðamörk frá miðvikudeginum 6. janúar til laugardagsins 9. janúar.

Af öryggisástæðum verður ekki hægt að gera við vatnsleka í Skálahlíð fyrr en 5. janúar. Vatnslögnin liggur undir 132 kw háspennustreng sem þarf að slá út svo hægt sé að vinna verkið.

Yfir jól og áramót fellur oft til meira sorp frá heimilum en á öðrum tíma ársins. Það getur því verið ágætt að vita hvenær tunnurnar eru tæmdar.

Afgreiðslutími á bæjarskrifstofu, bókasafni og íþróttamiðstöðvum Mosfellsbæjar verður sem hér segir yfir jól og áramót.

Starfsfólk Mosfellsbæjar óskar Mosfellingum sem og öðrum viðskiptavinum sveitarfélagsins gleðilegra jóla og þakkar samstarfið á árinu sem er að líða. Við gerum þetta saman.

Óskar Einarsson bæjarlistamaður Mosfellsbæjar 2020 ásamt þeim Hrönn Svansdóttur og Fanný K. Tryggvadóttur tóku upp hugljúfa jólatónleika á dögunum í Lágafellskirkju.