Dagur umhverfisins á sunnudag – fuglahús og útikennslusvæði

23/04/2010
Dagur umhverfisins

Dagur umhverfisins haldinn um land allt  núna á sunnudaginn og er dagurinn að þessu sinni tileinkaður líffræðilegri fjölbreytni.

Af því tilefni býður Varmárskóli gestum að kynna sér útikennslusvæði Varmárskóla, við Skólagarðana að Varmá frá kl. 12:00-14:00.  Í boði verða leikir um svæðið, kveikt verður upp í hlóðunum og boðið uppá heitan drykk.

Allir eru boðnir velkomnir að eiga góða stund í útieldhúsinu, Vin.

Mosfellsbær býður einnig uppá opið hús í fuglaskoðunarhúsinu við Leiruvog frá kl. 10:00-15:00.  Fuglasérfræðingur verður á staðnum og veitir upplýsingar um fuglana á svæðinu og leiðbeinir um greiningar á þeim. 
Fuglafræðingar frá East Anglia háskólanum líta við og fræða gesti um árlegar rannsóknir sínar á jaðrakan í Leiruvogi.

Leiruvogurinn er einstakur hvað varðar fuglalíf allan ársins hring og því gott að fylgjast þar með fuglum í sínu náttúrulega umhverfi.  Húsið er vel staðsett við Langatanga neðan við golfvöllinn, þar sem gott útsýni er yfir bæði hvíldarstað margra fuglategund og sjálfar leirurnar þar sem þeir koma til að afla sér fæðu.

Mosfellingar eru hvattir til að nýta sér tækifærið og kynna sér þá góðu aðstöðu sem boðið er uppá í fuglaskoðunarhúsinu undir leiðsögn fróðra manna.

Nánari upplýsingar má finna á www.mos.is/baerinnminn/fuglaskoðun .

Til baka