Orgeljól í Lágafellskirkju

14/12/2010

LágafellskirkjaÍ sjötta skipti heldur Douglas Brotchie Orgeljól í Lágafellskirkju. Hann innleiddi þessa hefð fyrir nokkrum árum og hafði þá áhuga á að efla og styrkja tónleikahald í sinni nýju heimabyggð.Douglas mun flytja nokkra ástsæla kafla eftir Bach sem heyrast reglulega og tvo sálmaforleiki sem Bach samdi sem ungur maður. Eftir því sem best er vitað er þetta í fyrsta skipti að þessi stykki heyrast hér á landi. Honum til aðstoðar verður Einar Clausen tenórsöngvari sem kemur nú fram í fyrsta skipti á Orgeljólunum. Hann mun syngja fræga aríu úr kirkjukantötu eftir Bach svo og nokkur gömul lög sem hæfa stað og stund.

Orgeljól í Lágafellskirkju fara fram fimmtudagskvöldið 16. desember kl. 20.
Aðgangur að Orgeljól 2010 eru ókeypis.

Til baka