“Senor del amor” - Vortónleikar Kammerkórs Mosfellsbæjar

06/05/2011

KammerkórVortónleikar Kammerkórs Mosfellsbæjar verða haldnir í Guðríðarkirkju sunnudaginn 8. maí kl. 16:00.
Yfirskrift  tónleikanna eru “Senor del amor”, en það eru upphafsorðin í Flamenco messu sem kórinn frumflytur.
Á tónleikunum verður flutt fjölbreytt efnisskrá og meðal þess sem kórinn flytur verður mjög athyglisverð Flamenco Messa eftir P. Peña, J. Torregrosa og J. F. de Latorre. Meðal annarra söngverkefna verða verk allt frá endureisnartímabilinu fram til dagsins í dag, lög m.a. eftir M. Franck, J. Dowland, Gunnar Reyni Sveinsson, L. Cohen og Bítlana í útsetningu Kings Singers. Þá verða flutt þekkt þjóðlög frá ýmsum löndum.
Ásdís Arnalds syngur einsöng, Hrafnkell Sighvatsson, Ívar Símonarson og Sigursteinn Orri H. Melsteð leika á gítara og Magnús Pálsson leikur á klarinett. Stjórnandi er Símon H. Ívarsson.
Miðar eru seldir við innganginn og einnig er hægt að kaupa miða í forsölu hjá kórmeðlimum.
Miðaverð: Kr. 1.500.- fyrir fullorðna.- kr. 1.000.- fyrir eldri borgara og ókeypis fyrir börn.
Nánari upplýsingar eru að finna á http://www.simnet.is/kammerkormos /

Til baka