Rekstrarafgangur hjá Mosfellsbæ fyrir fjármagnsliði

Rekstrarafgangur hjá Mosfellsbæ fyrir fjármagnsliði
Ársreikningur Mosfellsbæjar 2010 í samræmi við fjárhagsáætlun

Ársreikningur Mosfellsbæjar fyrir árið 2010 var kynntur á 558. fundi bæjarstjórnar miðvikudaginn 11. maí 2011 og honum vísað til seinni umræðu sem er fyrirhuguð er 25. maí.

Rekstur sveitarfélagsins á árinu 2010 er í samræmi við fjárhagsáætlun ársins. Rekstrarafgangur af samstæðunni að undanskildum fjármagnsgjöldum var 206 milljónir króna. Fjármagnsgjöld voru um 415 milljónir og er því er rekstrarniðurstaða neikvæð sem nemur 205 milljónum á árinu 2010. Veltufé frá rekstri er jákvætt um 182 milljónir króna. Framlegð er 453 milljónir sem nemur 13,2% af skatttekjum.

Bæjarstjórn ákvað í kjölfar efnahagshruns að milda áhrif efnahagsþrenginganna á íbúa sveitarfélagsins og dreifa þeim á þriggja ára tímabil. Lækkun skulda á árunum í aðdraganda hrunsins gera þetta jafnframt kleift. Ekki voru umtalsverðar hækkanir á gjaldskrám og útsvar var níu prósentustigum undir leyfilegu hámarki á árinu 2010. Þriggja ára áætlun gerir ráð fyrir að halli ársins 2010 verði unninn upp og í áætlun ársins 2011 er gert ráð fyrir hallalausum rekstri.

Rekstur stofnana Mosfellsbæjar er með miklum ágætum. Hagrætt var í rekstri til að mæta lægri tekjum sem og hækkun kostnaðar svo komast mætti hjá því að hækka gjaldskrár vegna þjónustu og leggja þannig meiri byrðar á fjölskyldur. Rekstrarniðurstaða A- og B-hluta stofnana er því ásættanleg fyrir fjármagnsliði.

Uppbyggingu í sveitarfélaginu var fram haldið á árinu 2010 þrátt fyrir krefjandi umhverfi. Nýr skóli var tekinn í notkun og gerðir voru samningar við ríkisvaldið um byggingu hjúkrunarheimilis og framhaldsskóla í Mosfellsbæ. Stefnt er að því að framkvæmdir hefjist á árinu 2011. Fjármögnun þeirra verkefna er tryggð á hagstæðum kjörum og einnig hefur Mosfellsbær unnið markvisst að því að lækka fjármagnskostnað með endurfjármögnum lána á hagstæðari kjörum.

Skuldir og skuldbindingar sveitarfélagsins nema samtals um 8,1 milljörðum en bókfært verðmæti eigna er 11,7 milljarðar og er eigið fé því 3,6 milljarðar.

-ENDIR-

Meðfylgjandi:

Ársreikningur Mosfellsbæjar 2010

Lykiltölur úr ársreikningi Mosfellsbæjar 2010.

Lykiltölur úr efnahagsreikningi Mosfellsbæjar 2010.

Ársreikning bæjarsjóðs Mosfellsbæjar má nálgast á slóðinni: www.mos.is/stjornsysla/fjarmal

Nánari upplýsingar veitir Sigríður Dögg Auðunsdóttir, forstöðumaður kynningarmála hjá Mosfellsbæ,  s. 894 9050/525 6700 sigridurdogg@mos.is

Lykiltölur úr ársreikningi Mosfellsbæjar 2010
Rekstrarreikningur ársins 2010
(í milljónum króna)		Sveitarsjóður			Samantekið
		A hluti			A og B hluti
		Raun	Áætlun		Raun	Áætlun
Rekstrartekjur:
	Útsvar og fasteignaskattur	3.126	3.152		3.121	3.147
	Framlög Jöfnunarsjóðs	321	300		321	300
	Aðrar tekjur	659	549		1.066	948
Rekstrartekjur samtals		4.106	4.001		4.508	4.395
Rekstrargjöld:
	Laun og launatengd gjöld	2.424	2.355		2.443	2.371
	Annar rekstrarkostnaður	1.418	1.359		1.611	1.554
	Afskriftir	185	172		248	236
Rekstrargjöld samtals		4.028	3.887		4.302	4.161
Rekstrarniðurstaða án fjármagnsliða		79	114		206	234
Fjármagnsgjöld		(293)	(326)		(415)	(453)
Tekjuskattur		0	0		4	0
Rekstrarniðurstaða		(214)	(212)		(205)	(219)

 

Úr efnahagsreikningi Mosfellsbæjar 31.12.2010
(í milljónum króna)		Sveitarsjóður			Samantekið
		A hluti			A og B hluti
		2010	2009		2010	2009
Eignir:
	Fastafjármunir	9.947	9.562		11.012	10.559
	Veltufjármunir	843	863		660	703
Eignir samtals		10.790	10.425		11.672	11.262
Skuldir og eigið fé:
	Skuldir og skuldbindingar	7.497	6.918		8.075	7.460
	Eigið fé	3.293	3.507		3.597	3.802
Skuldir og eigið fé samtals		10.790	10.425		11.672	11.262