Vegleg verðlaun í boði fyrir fellaþrennu

12/05/2011

Heilsuhátíð fjölskyldunnarNú stendur yfir heilsuvika í Mosfellsbæ sem lýkur með heilsuhátíð að Varmá á laugardaginn kl. 11-14. Meðal þess sem er í gangi í vikunni er svokölluð fellaþrenna, þar sem fólk er hvatt til að ganga á eitt til þrjú fell í nágrenni Mosfellsbæjar: Helgafell, Úlfarsfell og Reykjaborgina. Veglegir vinningar eru í boði fyrir þá sem skila inn miðum fyrir fellin sín en á hverju felli er hægt að ná í einn miða.

Á toppi fellanna er að finna miða þar sem skrifa á nafn og dagsetningu á. Miðanum skal síðan skila inn í Íþróttamiðstöðina að Varmá fyrir laugardaginn. Hægt er að skila inn einum miða eða öllum þremur, allt eftir því hvað gengið hefur verið á mörg fell. Möguleikar til vinnings margfaldast hins vegar eftir því sem fleiri fell hafa verið gengin.

Meðal verðlauna:
1. verðlaun – Boðskort í baðstofu í World Class, Laugum fyrir tvo, mánaðarkort í heilsurækt í World Class, 10.000 króna gjafakort frá Mosfellsbakaríi
2. verðlaun - Boðskort í baðstofu í World Class, Laugum fyrir tvo, 5.000 króna gjafakort frá Mosfellsbakaríi
3. verðlaun - Boðskort í baðstofu í World Class, Laugum fyrir tvo, 3.000 króna gjafakort frá Mosfellsbakaríi

Sérstök aukaverðlaun:

Úttekt að upphæð kr. 10.000 í Krónunni
Sumarkort í líkamsrækt í Eldingu að Varmá
Heilsupizzuveisla fyrir fjóra frá Pizza –bræðrum
Heilsuveisla fyrir tvo á Kaffihúsinu á Álafossi

Börn á leikskólaaldri geta gengið á Lágafell og tekið miða þar og skilað inn í Varmá og farið í pott þar sem dregnir verða út sérstakir vinningar fyrir börn.
Athugið: Ef vinningshafi er ekki á staðnum þegar verðlaunaafhending fer fram, laugardaginn 14. maí kl. 13.30 að Varmá, verður dreginn nýr vinningshafi.

Heilsuvikunni lýkur með heilsuhátíð fjölskyldunnar á Varmársvæðinu laugardaginn 14. maí kl. 11-14.  Þar gefst einstaklingum og fyrirtækjum í heilsutengdri þjónustu í Mosfellsbæ að kynna starfsemi sína og jafnvel bjóða heilsutengdan varning til sölu. Að venju verður fjölskylduhlaupið fyrir alla aldurshópa en nú verður einnig boðið upp á göngu fyrir eldri borgara undir leiðsögn.
Fjölbreytt fræðsluerindi tengd heilsu og hreyfingu verða á dagskránni og ótalmargt annað skemmtilegt og fræðandi.

Dagskráin að Varmá laugardaginn 14. maí kl. 11-14:
11.00    Sölu- og kynningarbásar opna
11.00     Fræðsluerindi: Hreyfing fyrir eldri borgara -
11.15     Heilsuganga eldri borgara undir leiðsögn
11.15     Fræðsluerindi: Hvernig byrja ég að hlaupa? - Halla Karen Kristjánsdóttir
11.45     Hláturjóga fyrir alla fjölskylduna
12.00     Leikskólahlaupið – öll börn fá verðlaunapening
12.00     Fræðsluerindi: Mataræðið og geðheilsan – Vigdís Steinþórsdóttir hjúkrunarfræðingur

Til baka