Þrettándinn í Mosfellsbæ kl 18:00

Nú fyrir áramót var gerð könnun á því hvort  Mosfellingar vildu hafa þrettándabrennuna kl. 20, eins og hefð er fyrir, eða kl. 18.  Þetta var gert vegna fjölda ábendinga um að brennan væri of seint fyrir yngstu kynslóðina. Könnuninni svöruðu 651 manns, þar af vildu 61% hafa hana kl. 18:00 og 39% vildu hafa hana kl. 20:00.

Í ár verða því  jólin kvödd kl. 18:00 að kvöldi þrettándans.

Blysför leggur af stað frá Miðbæjartorginu kl: 18:00, Skólahljómsveit Mosfellsbæjar leikur, fjöldasöngur Karlakórs Kjalnesinga, álfakóngur, álfadrottning, Grýla, Leppalúði og þeirra hyski verða á svæðinu og í lokin verður boðið upp á glæsilega flugeldasýningu sem Björgunarsveitin Kyndill stýrir.