Vefur Mosfellsbæjar einn af 5 bestu vefjum íslenskra sveitarfélaga

Síðastliðinn miðvikudag, 18.janúar voru kynntar niðurstöður á úttekt á opinberum vefjum ríkis og sveitarfélaga. Úttektin sem framkvæmd er af Deloitte fyrir Ský, skýrslutæknifélag Íslands, annað hvert ár er gerð með það að markmiði að meta gæði vefjanna, fá yfirlit yfir þjónustu sem er í boði og til þess að fylgjast með þróun og breytingum. Alls voru  267 vefir teknir til skoðunar og þar af voru 70 sveitarfélög sem tóku þátt í úttektinni.

Mosfellbær var meðal fimm vefja sveitarfélaga sem tilnefndur var til verðlauna fyrir besta vef sveitarfélags en einnig voru tilnefndir vefir Akureyrar, Garðabæjar, Reykjavíkur og Seltjarnarnes. Þessir fimm vefir þóttu skara framúr og samkvæmt niðurstöðum úttektar Deloitte.
Það var vefur Akureyrarbæjar www.akureyri.is/ sem hreppti viðurkenningu fyrir að eiga besta sveitarfélagavefinn.
Vefur Tryggingastofnunar ríkisins, www.tr.is/ var kjörinn besti ríkisvefurinn

Hægt er að skoða niðurstöður könnunarinnar gegnum UT vefinn, www.ut.is/.