Bongóblíða í Mosfellsbæ

25/07/2013

www.accuweather.comÁ svona góðviðrisdögum eins og hafa verið undanfarna daga er alveg tilvalið að heimsækja sundlaugar bæjarins því fátt er betra fyrir líkama og sál en sund, hvort sem það sé rösklegt sund eða rólegheit í pottinum en í Mosfellsbæ eru tvær frábærar sundlaugar, LÁGAFELLSLAUG og VARMÁRLAUG.

Fyrir þá sem kjósa að fara í góða göngutúra þá er um að gera að skella sér og skoða einhverjar af útivistarperlum  Mosfellsbæjar. Fjölmargar gönguleiðir má finna eins og t.d. fallegar gönguleiðir meðfram sjónum og ánum, bæði Varmá og Gaman í Ævintýragarðinumupp með Köldukvísl. Mjög skemmtilegt er fyrir alla fjölskylduna að ganga á fjöllin og fellin umhverfis Mosfellsbæ og er hægt að velja fjöll sem hentar aldri og getu allra í fjölskyldunni (7 tinda - fjölskyldufellin í Mosfellsbæ). Þá er mjög fallegt að ganga inn Mosfellsdal, til að mynda frá Gljúfrasteini, meðfram Köldukvísl og upp að Helgufossi. Áhugavert er að fara í fuglaskoðun en í Mosó er gott fuglaskoðunarhús í Leiruvogi.
Hægt er að skella sér í reiðtúr í gegnum þær frábæru reiðleiðir sem eru í boði og má finna ýmis gagnleg korti hér, ef ekki á sínum fák þá tekur hestaleigan Laxnes vel á móti þér og þínum eða taka góða sveiflu á einum af þeim tveimur glæsilegu golfvöllum í Mosó, kíkja á Ævintýragarðinn í Ullarnesbrekkum með splunkunýjum leiktæjum eða á hinn vígalega Víkingaleikvöll í Leirvogstungu neðst í Leirvogshverfinu.

Einnig er vert að nefna að Útimarkaðir eru núna í fullum gangi þar sem má finna gómsætt góðgæti ásamt fögrum plöntum og öðrum handagerðum listaverkum.  (http://www.mos.is/MosTorgid/Afthreyingogutivist/HvaderibodiiMosfellsbae/)
Til baka