Samráðsfundur um uppbyggingu mannvirkja

23/10/2013

Samráðsfundur um íþróttamannvirkiÍþrótta- og tómstundanefnd Mosfellsbæjar boðar til samráðsfundar laugardaginn 26. október kl. 9 - 12 í Krikaskóla. Markmið fundarins er forgangsröðun uppbygginga mannvirkja fyrir íþrótta og tómstundastarfsemi í Mosfellsbæ. Í nýútgefinni íþrótta- og tómstundastefnu Mosfellsbæjar segir eftirfarandi: „Forgangsröðun uppbyggingar mannvirkja verði unnin í samráði við íbúa, hagsmunaðila og íþrótta- og tómstundafélög bæjarins.“ Komið verði á fót „samráðsvettvangi þar sem leitast verður við að greina og leggja mat á þarfir íþrótta- og
tómstundafélaga fyrir aðstöðu til að sinna hlutverki sínu, til lengri og skemmri tíma.“

Íþrótta- og tómstundanefnd leggur nú til að stigið verði fyrsta skref að slíku samráði með fundinum í Krikaskóla 26. október.

Á fundinn eru því hvattir til að mæta allir þeir aðilar í bæjarfélaginu sem að hafa áhuga á að vera með í verkefninu frá byrjun.

Gylfi Dalman ráðgjafi stjórnar vinnu fundarins ásamt Halldóri Halldórssyni sérfræðingi í forgangsröðun opinberra verkefna.

Kaffi og veitingar verða í boði á fundinum.

 

Íþróttaráðstefna - plakat....

Til baka