Frístundaávísun - ert þú búin að nýta þína ?

02/06/2014

Mosfellsbær gefur forráðamönnum allra barna og unglinga á aldrinum 6-18 ára, með lögheimili í Mosfellsbæ kost á frístundaávísun að upphæð 18.000,- kr sem hægt er að nota til að greiða fyrir hvers konar frístundastarf hjá viðurkenndum frístundafélögum eða frístundastofnunum.


Þann 1. ágúst 2014 mun ávísunin hækka í 25.000,- kr og gilda fyrir börn fædd 1997-2008 til 31. júlí 2015. Ath. að ekki er hægt að nýta ávísunina í sumarnámskeið, þar sem að námskeiðin sem að ávísunin skal notuð í þurfa að ná yfir eina önn eða að lágmarki 10 vikur.

 

Nýtt tímabil Frístundaávísana fyrir tímabilið 2014-2015 verður virkt frá 1. ágúst en ekki 1. september eins og áður hefur verið. Ávísun á þessu tímabili til 31. júlí mun því fyrnast 1. ágúst.

Ávísunin gildir í eitt ár í senn, frá 1. ágúst til 31. júlí ár hvert, fyrir þau börn sem verða 6 ára og 18 ára á árinu, það er að segja börn sem eru að hefja nám í fyrsta bekk grunnskóla til og með unglinga á öðru ári í framhaldsskóla. Sé barn orðið 18 ára sækir það sjálft um á íbúagáttinni.


Framvísun frístundaávísunar fer fram á íbúagátt Mosfellsbæjar með rafrænum hætti.

Allar nánari upplýsingar um reglur og ferli umsóknar á frístundaávísun má finna hér


Til baka