Sjóvá Kvennahlaup ÍSÍ í Mosfellsbæ

03/06/2014
Kvennahlaupið verður haldið í 25. sinn í ár hinn 14. júní. Að venju verður hlaupið um allt land og víða um heim. Í fyrra tóku um 16.000 konur þátt, en hlaupið er alla jafna einn stærsti almenningsíþróttaviðburður á hverju ári. Fyrsta kvennahlaupið í Mosfellsbæ var haldið árið 1997 og stöðugt bætist í hópinn með hverju árinu sem líður. Á stór-höfuðborgarsvæðinu verður hlaupið á þremur stöðum. Í Garðabæ, Mosfellsbæ og í fyrsta skipti í Viðey. Nánari upplýsingar um hlaupið er hægt að fá á heimasíðu Sjóvá.

Líkt og undanfarin ár verður farið í Kvennahlaup frá Eirhömrum miðvikudaginn 11. júní klukkan 14.00. Hlaupið verður frá Íþróttamiðstöðinni við Varmá klukkan 11.00 14. júní. Bolir verða seldir í Lágafellslaug frá 4.júní og við Varmá á hlaupadaginn sjálfan. Einnig verða bolir seldir í Bónus í Mosfellsbæ dagana fyrir hlaupið. Þátttökugjaldið er óbreytt frá því í fyrra. 1000 kr. fyrir 12 ára og yngri og 1500 kr. fyrir 13 ára og eldri. 

Kort af hlaupaleið :  Kvennahlaup í Mosfellsbæ (.pdf 425 kb)
Til baka