Opið hús - Svefn og svefnvandi barna og unglinga

24/10/2014
Miðvikudaginn 29. október klukkan 20:00 verður fyrsta opna hús vetrarins hjá Skólaskrifstofu Mosfellsbæjar.

Í vetur verður lögð áhersla á hagnýt ráð til foreldra og annarra varðandi uppeldi og samskipti við börn og unglinga. Á þessu fyrsta kvöldi mun Erla Björnsdóttir, sálfræðingur, fjalla um mikilvægi svefns hjá börnum og unglingum, hvernig best er að bregðast við svefnvanda og gefa okkur góð ráð. Erla hefur sérhæft sig í greiningu og meðhöndlun svefnvandamála. Hún hefur haldið fjölmörg námskeið og fræðslufyrirlestra um svefnvandamál og hefur nýlokið doktorsnámi í svefnrannsóknum við læknadeild Háskóla Íslands.

Opnu húsin hjá Skólaskrifstofu eru alltaf haldin síðasta miðvikudag í mánuði yfir veturinn í Listasal Mosfellsbæjar, Þverholti 2, frá klukkan 20 - 21. Athugið að gengið er inn austan megin (Háholtsmegin). Aðgangur er ókeypis og öllum opinn.

Næstu Opin hús:
26.10.2014     Matvendni - hvað er til ráða ?
28.01.2015     Kerru og keyrða kynslóðin
25.02.2015     Kroppurinn er kraftaverk
25.03.2015     Máttur tengslanna

Foreldrar/forráðamenn, starfsmenn leik- og grunnskóla, frístundaleiðbeindur, þjálfarar, ömmur, afar og aðrir bæjarbúar, tökum þessi kvöld frá, hittumst og eigum samræður um málefni er varða börn og unglinga í Mosfellsbæ.

Skólaskrifstofa Mosfellsbæjar
Merki Mosfellsbæjar, virðing, jákvæðni, framsækni, umhyggja
Til baka