Endurnýjun samstarfssamnings

18/05/2015
Mosfellsbær hefur endurnýjað samstarfssamning við Heilsuvin vegna lýðheilsu- og þróunarverkefnisins Heilsueflandi samfélag. Áhersluþáttur verkefnisins fyrir árið í ár er hreyfing og útivist í víðum skilningi fyrir alla aldurshópa. Bæjarbúar eru hvattir til nýta sér þá fjölbreyttu afþreyingarmöguleika sem í boði eru í Mosfellsbæ. Nánari upplýsingar um hlaupa- og gönguleiðir má finna á heimasíðu bæjarins undir flokknum mannlíf/heilsa og hreyfing.

Verkefnið, Heilsueflandi samfélag, sem inniheldur helstu áhersluþætti landlæknis, miðar að því að setja heilsueflingu í forgrunn í allri þjónustu sveitarfélagsins hvort sem um ræðir fræðslu-, menningar- eða skipulagsmál. Ætlunin er að ná til allra aldurshópa, fyrirtækja og félagsamtaka. Sambærileg verkefni eru þekkt erlendis en er nú í fyrsta skipti tekið upp hér á landi.

Til baka