Hátíð í miðborg Reykjavíkur á aldarafmæli kosningaréttar kvenna.

08/06/2015

Senn líður að stórhátíð í tilefni af aldarafmæli kosningaréttar kvenna. Þéttskipuð dagskrá í Reykjavík 19. júní 2015 hefur litið dagsins ljós og ljóst er að allir geta fundið eitthvað við sitt hæfi. 

Dagskráin sem má sjá hér er birt með fyrirvara um breytingar. Ítarlegri dagskrá verður birt þegar nær dregur.

Kosningaréttur kvenna

Gefið frí eftir hádegi til að fagna 100 ára afmæli kosningaréttar íslenskra kvenna

Starfsmönnum Mosfellsbæjar verður veitt frí eftir hádegi þann 19. júní til að fagna 100 ára afmæli kosningaréttar íslenskra kvenna. Þetta er ákvörðun sem tekin hefur verið eftir hvatningarorð frá Ríkisstjórn Íslands sem hefur hvatt vinnuveitendur, jafnt á almennum vinnumarkaði sem og hjá ríki og sveitarfélögum, til að gera starfsmönnum sínum kleift að taka þátt í skipulögðum hátíðarhöldum þennan dag. Stofnanir bæjarins verða því lokaðar eftir hádegi 19. júní. Tryggt verður þó að þjónusta er varðar öryggi og grunn- og neyðarþjónustu við íbúa verði veitt.

Mosfellsbær hefur tekið virkan þátt í að vekja athygli á 100 ára afmæli kosningaréttar íslenskra kvenna. Kona mánaðarins verður útnefnd allt árið og vakin athygli á hennar verkum og áhrifum í samfélaginu. Þær konur sem nú þegar hafa verið útnefndar eru:

Ólafía Jóhannsdóttir (1863-1924). Ólafía er þekkt sem fyrsti félagsráðgjafinn og oft nefnd móðir Theresa Íslands. Hún var í fararbroddi í kvenréttindamálum á Íslandi á sínum tíma, stofnaði félög og barðist fyrir réttindum kynsystra sinna.  

Birta Fróðadóttir (1919-1975). Birta fæddist í Danmörku en flutti til Íslands og bjó á Dalsgarði í Mosfellsdal. Hún var húsgagnasmiður og innanhúsarkitekt.  

Klara Klængsdóttir (1920-2011). Hún útskrifaðist frá Kennaraskóla Íslands árið 1939 og hóf það haust  kennslu við Brúarlandsskóla. Klara starfaði við Brúarlandsskóla og  síðar Varmárskóla allan sinn starfsaldur. Ætla má að Klara hafi kennt  fleiri Mosfellingum að lesa en nokkur annar kennari í sveitinni.

Kona apríl mánaðar er Kvenfélagskonan
Kona maí mánaðar er Verkakonan

Menningardagskrá á Bókasafni Mosfellsbæjar
Menningarvor var haldið hátíðlegt í apríl í Mosfellsbæ. Menningarvor er heiti á röð þriggja menningarviðburða sem haldnir eru í apríl ár hvert. Þriðjudagskvöldið 28. apríl var dagskrá undir yfirskriftinni Áfram stelpur! Í tilefni af 100 ára afmæli kosningaréttar kvenna 1915-2015 þar sem boðið var upp á fjölbreytta dagskrá í tali, tónum og leik sem tengist sögu Kvenfélags Mosfellsbæjar. Leikfélag Mosfellssveitar brá á leik og flutti þætti úr sögu Kvenfélagsins. Kjartan Valdemarsson spilaði á harmónikku, harmóníu og píanó. Dísella, Ingibjörg og Þórunn Lárusdætur tóku lagið. Boðið var upp á kvenfélagskaffi í lok dagskrár. 

Nánari upplýsingar um Menningarvor er hægt að nálgast á www.mos.is

Nánari upplýsingar um konu mánaðarins:
Kona mánaðarins í janúar
Kona mánaðarins í febrúar
Kona mánaðarins í mars
Kona mánaðarins í apríl
Kona mánaðarins í maí

Til baka