Miðhverfi Helgafellshverfis, 3 breytingartillögur

Mosfellsbær auglýsir hér með skv. 1. mgr. 43.gr. skipulagslaga nr. 123/2010 eftir­taldar þrjár tillögur að breytingum á deili­skipulagi 1. áfanga (miðhverfis) Helgafells­hverfis:

Vefarastræti 8-14 og 16-22

Tillagan er um fjölgun íbúða úr 32 í 39 á hvorri lóð eða um samtals 14 íbúðir,  tilslökun á kröfum um bílastæði þannig að fyrir hverja íbúð 70 m² og minni (var 60 m²) skuli vera 1,5 stæði innan lóðar sem megi öll vera ofan­jarðar. Sýndir eru byggingarreitir fyrir bílakjallara og gerð grein fyrir fjölgun bílastæða ofanjarðar innan lóða.

Gerplustræti 2-4.

Tillagan er um fjölgun íbúða úr 26 í 31, fækkun stigahúsa í nyrðra húsi úr tveimur í eitt, tilslökun á kröfum um bílastæði þannig að fyrir hverja íbúð 70 m² og minni (var 60 m²) skuli vera 1,5 stæði innan lóðar sem megi öll vera ofan­jarðar. Sýndir eru byggingarreitir fyrir bílakjallara og lóðin stækk­uð um 47 m² vegna þriggja viðbótarbílastæða ofanjarðar á lóð.

Gerplustræti 1-5.

Tillagan er um fjölgun íbúða úr 26 í 31, fækkun stigahúsa í nyrðra húsi úr tveimur í eitt, sem megi ganga út fyrir byggingarreit, tilslökun á kröfum um bílastæði þannig að fyrir hverja íbúð 70 m² og minni (var 60 m²) skuli vera 1,5 stæði innan lóðar sem megi öll vera ofan­jarðar. Sýndur er byggingarreitur fyrir bílakjallara og gerð grein fyrir fjölgun bílastæða ofanjarðar á lóð.

Ofangreindar tillögur verða til sýnis í þjónustuveri Mosfellsbæjar Þver­holti 2, frá 6. júlí 2015 til og með 17. ágúst 2015, svo að þeir sem þess óska geti kynnt sér þær og gert við þær athugasemdir. Tillögurnar eru einnig birtar hér á heimasíðunni:

Vefarastræti 8-14 og 16-22, tillaga

Gerplustræti 1-5, tillaga

Gerplustræti 2-4, tillaga

Athugasemdir skulu vera skriflegar og skal senda þær til skipulagsnefndar Mos­fells­bæjar, Þverholti 2, 270 Mosfellsbæ, eigi síðar en 17. ágúst 2015.

30. júní 2015,

Skipulagsfulltrúi Mosfellsbæjar