Foreldramorgnar á miðvikudögum í Safnaðarheimilinu

20/10/2015
Foreldramorgnar eru samverustundir fyrir foreldra og börn þeirra á öllum aldri. Á foreldramorgnum gefst foreldrum og börnum þeirra tækifæri til að hittast í notalegu umhverfi, ræða saman, skiptast á skoðunum, fræðast og eignast vini. Þetta eru stundir sem stuðla kannski að því að rjúfa félagslega einangrun og mynda tengsl meðal jafningja. Í Safnaðarheimilinu eru leikföng, bækur, litir og fleira fyrir börnin, og á hverjum morgni er boðið uppá kaffi og meðlæti.

Einu sinni til tvisvar í mánuði er einhverskonar uppákoma, fyrirlestrar eða kynningar og þá yfirleitt eitthvað sem tengist börnum eða foreldrum á einhvern hátt, t.d. mataræði barna, slysavarnir í heimahúsum, sjálfsstyrking kvenna og margt, margt fleira.
Miðvikudaginn, 21. október verður fyrirlestur um " Áhrif uppeldis á heilaþroska og persónuleika" 


Foreldramorgnar eru haldnir í Safnaðarheimilinu að Þverholti 3, þriðju hæð.

Hægt er að skrá sig á póstlista Foreldramorgna með því að senda póst á arndis.linn(hja)lagafellskirkja.is

Starfið er á FACEBOOK undir Foreldramorgnar í Lágafellskirkju, Mosfellsbæ

 

Til baka

Myndir með frétt