Rafræn samskipti vegna leikskóla

29/10/2015
Um þessar mundir er verið að taka upp nýtt vinnulag við samskipti milli foreldra barna á leikskólaaldri við Mosfellsbæ og leikskólana í Mosfellsbæ.

Um nokkurn tíma hafa íbúar sótt um leikskólavist rafrænt gegnum Íbúagátt en samningar, breytingar og uppsagnir hafa farið fram á pappír. Nú hafa allir ferlar í leikskólamálum verið færðir inn á Íbúagátt.
Foreldrar munu framvegis fylla út umsókn, fá afgreiðslu umsóknar, fá senda vistunarsamninga til staðfestingar og geta sótt um breytingu á vistunartíma eða sagt uppleikskólavist gegnum Íbúagátt Mosfellsbæjar. 

Markmið breytinganna er að auðvelda meðferð leikskólaumsókna, minnka pappírsnotkun og gera bæði breytingarsögu og samskipti sýnileg í Íbúagátt Mosfellsbæjar. Með þessu er Mosfellsbær að efla enn frekar rafræna þjónustu við íbúa.

Til baka