Guðbjörg Linda ráðin til Mosfellsbæjar

Guðbjörg Linda Udengard hefur verið ráðin í starf framkvæmdastjóra fræðslu- og frístundasviðs Mosfellsbæjar. Linda er þroskaþjálfi að mennt með diploma í sérkennslufræðum. Hún hefur lokið M.ED. gráðu í uppeldis- og kennslufræðum og lauk BA námi í ferðamálafræði frá Háskólanum á Hólum í vor.
Linda hefur auk þess stundað nám í opinberri stjórnsýslu. Linda hefur verið lykilstarfsmaður á menntasviði Kópavogsbæjar í 16 ár og þar á undan á Íþrótta- og tómstundasviði Reykjavíkurborgar í 12 ár. Hún hefur haft yfirumsjón og borið ábyrgð á rekstri 14 starfsstöðva hjá Kópavogsbæ þar með talið félagsmiðstöðvar Kópvogsbæjar, ungdómshús og yfirumsjón með félagsstarfi eldri borgara og fullorðinsfræðslu. Hún hefur komið mikið að stefnumótun í íþrótta- og tómstundastarfi en auk þess starfa þvert á deildir og tekið þátt í verkefnum leik- og grunnskóla. Guðbjörg hóf störf 1. september og tekur við að Birni Þráni Þórðarsyni.