Hjólreiðastígar í Mosfellsbæ

18/09/2016
Hjólareiðastígar liggja víðs vegar um Mosfellsbæ, meðfram strandlengjunni, um Ævintýragarðinn í Ullarnesbrekkum og upp í Mosfellsdal og allt þar á milli. Ennfremur liggur góður samgöngustígur milli Mosfellsbæjar og Reykjavíkur, meðfram Vesturlandsvegi framhjá skógræktinni í Hamrahlíð. Tilkoma hans hefur ýtt undir vistvænar samgöngur milli sveitarfélaganna. 
 

Góð hjólreiðakort er að finna á heimasíðu Mosfellsbæjar og hjólaleiðir má sjá á hjólaskiltum við íþróttamiðstöðina við Varmá og neðan Leirutanga, ásamt því að gefin hafa verið út sérstakir bæklingar með hjólaleiðum í Mosfellsbæ.

Fjarlægðir innan þéttbýlis Mosfellsbæjar eru að jafnaði ekki langar. Því ættu hjólreiðar og ganga að vera ákjósanlegur ferðamáti innanbæjar. Af því tilefni er vakin athygli á korterskorti Mosfellsbæjar sem sýnir 1,6 km radíus út frá miðbæ Mosfellsbæjar, en það er sú vegalengd sem tekur meðal manninn einungis um 15 mínútur að ganga og 6 mínútur að hjóla.

Korterskortið má finna hér http://www.mosfellsbaer.is/library/Myndir/Myndasafn/KORT/korterskort.jpg


Til baka

Myndir með frétt