Tölvufíkn „Þegar skemmtun verður skaðleg“. OPIÐ HÚS HJÁ SKÓLASKRIFSTOFU

19/10/2016
Tölvufíkn „Þegar skemmtun verður skaðleg“

Fyrsta opna hús ársins hjá Skólaskrifstofu Mosfellsbæjar verður haldið miðvikudaginn 26.október klukkan 20:00 í Listasal Mosfellsbæjar.

Á opnum húsum er lögð áhersla á hagnýt ráð varðandi uppeldi og samskipti við börn og unglinga. Ráð sem foreldrar, systkin, amma og afi, þjálfarar, kennarar og allir þeir sem koma að uppvexti barna og unglinga geta nýtt sér. 

Að þessu sinni mun Þorsteinn K. Jóhansson fara yfir einkenni tölvufíknar, bæði andleg og líkamleg einkenni hjá börnum og unglingum, en einnig verður farið yfir mismunandi gerðir tölvufíknar og leiðir til lausna. 

Þorsteinn er kennari að mennt og hefur sjálfur glímt við tölvufíkn. Þorsteinn hefur haldið forvarnarfyrirlestra gegn tölvufíkn frá 2006 við góðar undirtektir. 

Láttu þetta áhugaverða innlegg ekki framhjá þér fara, sjáumst! 

Opnu húsin hjá Skólaskrifstofu eru alltaf haldin síðasta miðvikudag í mánuði yfir veturinn, í Listasal Mosfellsbæjar frá klukkan 20 - 21. Athugið að gengið er inn austan megin (Háholtsmegin).

Til baka