Tjaldsvæði í Mosfellsbæ opnar 1. júní

16/05/2017

Tjaldsvæðið í Mosfellsbæ er staðsett í hjarta bæjarins, norðan við íþróttamiðstöðina á Varmársvæðinu, með fallegu útsýni yfir neðri hluta Varmár, Leirvoginn og Leirvogsána. Í Mosfellsbæ eru víðáttumikil náttúra innan bæjarmarka og einstakir útivistarmöguleikar í skjóli fella, heiða, vatna og strandlengju.

Tjaldstæðið er staðsett við Varmárskóla og Varmárlaug. Á tjaldstæðinu er salernisaðstaða, vatn og rafmagn.

Góðar almenningssamgöngur eru frá tjaldstæðinu um Mosfellsbæ og í miðborg Reykjavíkur.

Aðstaða fyrir: Tjöld, Tjaldvagna, Fellihýsi, Hjólhýsi, Húsbíla

Opnunartími: 1. júní - 1. september

Gjaldskrá: 1.200 kr.,- á mann (frítt fyrir 12 ára og yngri). Hægt er að greiða hjá Tjaldstæðaverði og í Íþróttamiðstöðinni að Varmá.

  • Símanúmer: 566-6058 frá kl. 08:00-14:00
  • Neyðarnúmer: 690-9297
  • Netfang: bolid[hjá]mos.is
Til baka