Vinabæjaráðstefna í Hlégarði

11/09/2018

Vinabæjaráðstefna var haldin í Mosfellsbæ dagana 16.-17. ágúst í Hlégarði. Vinabæir Mosfellsbæjar eru fjórir, Thisted í Danmörku, Loimaa í Finnlandi, Uddevalla í Svíþjóð og Skien í Noregi og er um að ræða elstu vinabæjakeðjuna á Norðurlöndum. Þema vinabæjaráðstefnunnar í ár var félagsauður og ráðstefnustjóri var Bogi Ágústsson formaður Norræna félagsins á Íslandi.

Árangur við að draga úr unglingadrykkju

Á meðal þess sem var til umfjöllunar á ráðstefnunni var lýðræðisverkefnið Okkar Mosó, Heilsueflandi samfélag í Mosfellsbæ, störf Björgunarsveitarinnar Kyndils og samvinna sveitarfélaganna á höfuðborgarsvæðinu í tengslum við almannavarnir. Þá var sagt frá aðkomu íbúa að mótun umhverfisstefnu í Mosfellsbæ og loks sagði umboðsmaður barna frá árangri af samvinnu foreldra og fagaðila við að draga úr unglingadrykkju.

Unglingaverkefni samhliða

Ráðstefnugestir voru um 70 talsins og á meðal þeirra voru tveir listamenn frá hverju landi sem tóku þátt í menningarverkefninu Nordisk Art eða NArt. Einnig var unnið að sérstöku unglingaverkefni samhliða ráðstefnunni og komu fjórir unglingar fæddir árið 2003 ásamt hópstjóra frá hverju landi. Þau gistu saman og fóru í ferðir, meðal annars á Úlfljótsvatn.

Frétt og myndir frá mosfellingur.is.

Til baka

Myndir með frétt