Stóra upplestrarkeppnin 2019

29/03/2019

Stóra upplestrarkeppnin í 7. bekk fór fram í Varmárskóla þann 28. mars. 10 nemendur úr grunnskólum Mosfellsbæjar, Lágafellsskóla og Varmárskóla kepptu til úrslita.

Úrslitin urðu þannig að Alex Máni Hrannarsson í Lágafellsskóla, varð í fyrsta sæti, Aron Valur Gunnlaugsson í Lágafellsskóla varð í öðru sæti og Halla Katrín W. Ólafsdóttir í Varmárskóla varð í þriðja sæti.

Margt var um manninn á þessari hátíðlegu lokahátíð og fengu gestir að heyra keppendur lesa brot úr sögunni Þín eigin þjóðsaga eftir Ævar Þór Benediktsson og Ljóð eftir Önnu Sigrúnu Snorradóttur. Auk þess lásu keppendur ljóð sem þeir völdu sjálfir. Skólakór Varmárskóla söng nokkur lög.

Til baka