Vinnuskóli fyrir ungmenni í sumar

    04/04/2019

    Opið er fyrir umsóknir nemenda í vinnuskólann sumarið 2019 á Ráðningarvef Mosfellsbæjar.

    Í ár er boðið uppá að velja tvö tímabil af fjórum. Hvert tímabil er 12 vinnudagar en alls er í boði að vinna 25 daga af sumrinu. Auk þessara tveggja tímabila þarf að velja einn af tveimur fræðsludögum sem eru í boði í sumar. Ósk um fræðsludag má setja í athugasemdardálk.
    Umsóknafresturinn er frá 25. mars til og með 25. apríl.

    Tímabilin eru eftirfarandi

    Tímabil A - 7. júní – 26. júní
    Tímabil B - 27. júní–12. júlí
    Tímabil C - 16. júlí–31. júlí
    Tímabil D - 7. ágúst–22. ágúst

    Fræðsludagar eru eftirfarandi

    Fræðsludagur A - 6. júní
    Fræðsludagur B - 15. júlí

    Vinnutími er eftirfarandi

    8. bekkur - 3 tímar á dag fyrir hádegi aðra vikuna og eftir hádegi hina vikuna.
    9. bekkur - 6 tímar nema á föstudögum er unnið til hádegis.
    10. bekkur - 7 tímar nema á föstudgögum er unnið til hádegis.

    Hlutverk vinnuskólans er að veita nemendum uppbyggileg sumarstörf ásamt fræðslu í öruggu starfsumhverfi. Lögð er áhersla á að venja nemendur við það sem koma skal á hinum almenna vinnumarkaði, reglusemi, stundvísi og ábyrgðartilfinningu. Áhersla er lögð á að starfumhverfið sé hvetjandi og gefandi.

    Nánari upplýsingar er hægt að fá hjá bolid@mos.is.

    Sótt er um störfin hér á ráðningavef Mosfellsbæjar.

    Til baka