Páskaopnun sundlauga í Mosfellsbæ

Opnun íþróttamannvirkja um páskahátíðina

05/04/2019

Vakin er athygli á opnun íþróttamannvirkja um páskahátíðina. Sund er góð og hressandi iðja og eru bæjarbúar hvattir til þess að njóta þess yfir hátíðarnar. Sundlaugarsvæðið í Lágafelli og Varmá er fjölbreytt og ættu flestir að finna sér eitthvað sem hentar hverju sinni. Íþróttamiðstöðin Lágafelli og Varmá auglýsa opið um páskahátíðina  sem hér segir:

    Sundlaugin Lágafelli Sundlaugin Varmá
18. apríl Skírdagur kl. 09:00 - 19:00 kl. 09:00 - 16:00
19. apríl Föstud. langi kl. 09:00 - 19:00 Lokað
20. apríl Laugard. f. páska kl. 09:00 - 19:00 kl. 09:00 - 16:00
21. apríl Páskadagur kl. 09:00 - 19:00 Lokað
22. apríl Annar í páskum kl. 09:00 - 19:00 kl. 09:00 - 16:00
       
Varmárlaug Lágafellslaug

VARMÁRLAUG
sem staðsett er í Íþróttamiðstöðinni að Varmá er myndaleg sundlaug, barnalaug, sauna, tveir heitir pottar, þar af annar með nuddi, ljósabekkur og leiktæki fyrir börnin.

SUNDLAUG LÁGAFELLI
er fjölbreytt og ættu flestir að finna sér eitthvað sem hentar hverju sinni. Svæðið skartar 25 metra sundlaug, sem er glæsileg í alla staði. Fyrir þá sem vilja gera meira en að synda er hægt að velja um 3 mismunandi heita potta og einn kaldur pottur.

Tveir þeirra eru hefðbundnir heitir pottar með hitastig á bilinu 40-42 gráður. Sá þriðji er nuddpottur sem gott er að sitja í og slaka á og láta nudda þreytta vöðva. Hann er ekki eins heitur og hinir pottarnir. Á svæðinu er einnig kaldur pottur, eimbað og sauna.

Fyrir börnin og líka auðvitað hina fullorðnu er vaðlaug sem er tiltölulega grunn, hlý og hentar fyrir smáfólkið og þá sem vilja liggja útaf og slaka og njóta sólarinnar, sé hún í boði.

Fyrir þá allra hressustu á öllum aldi, eru þrjár rennibrautir á svæðinu, ein opin breið um 12 metra og tvær lokaðar, mislangar, eða frá 33-43 metrum. Farið er upp glerjaðan rennibrautarturn og ferðin endar í lendingarlaug fyrir neðan, sama laug fyrir allar brautir, svo það er best að vera varkár og fylgja reglum!

Starfsfólk sundlaugarinnar vill ítreka við forráðamenn barna að fylgjast vel með börnum sínum þegar þau eru á svæðinu.

Innilaugin er með stillanlegum botni og hentar því vel fyrir yngri kynslóðina.

Fjölbreytt heilsuþjónusta er í boði í Lágafellslaug.

Páskaungar

 

Gleðilega páska!

Starfsfólk íþróttamiðstöðva Lágafelli og Varmá

Til baka